Elordada úshinshi sorǵy-súzgi stantsııasynyń qurylysy bastaldy
2022 jylǵy 29 mamyr 04:27

Elordada úshinshi sorǵy-súzgi stantsııasynyń qurylysy bastaldy

NUR-SULTAN. QazAqparat - Nur-Sultan qalasynyń ákimi Altaı Kólginov Instagram paraqshasynda ótken jyldan bastap sorǵy-súzgi stantsııasynyń qurylysy bastalǵanyn málim etti, dep habarlaıdy QazAqparat tilshisi.

«Qala turǵyndarynyń jyl saıyn ósip kele jatqanyn eskerer bolsaq, ınjenerlik jelilerge de túsetin kúsh artyp keledi. Aldaǵy ýaqytta jańa aýdandardy aýyz sýmen qamtamasyz etý jáne qazirgi qýatyn arttyrý úshin ótken jyldan bastap sorǵy-súzgi stantsııasynyń (SSS-3) qurylysy bastaldy.

Qalany aralaý kezinde SSS-3 qurylysynyń barysymen tanystym. Nysan ishinara osy jyldyń sońyna qaraı paıdalanýǵa beriledi, al 2023 jyldan bastap jańa SSS-3 jumysynyń qýatyn arttyramyz. Máselen, qazir táýligine 300 myń tekshe metr tutynatyn bolsaq, SSS-3 qýaty táýligine qosymsha 100 myń tekshe metrden asady», - dep jazdy qala basshysy.

Sol sııaqty jańa aýdandardy jylýmen qamtý úshin JEO-3 qurylysyn qaıta bastalǵan. Altaı Seıdirulynyń sózinshe, jergilikti 3 gaz qazandyǵyn jobalaý jumysy júrip jatyr. Sondaı-aq káriz tazartý qurylysyn (KTQ-2), «Araı», «Juldyz» jáne t.b. qosalqy stantsııalardy jobalaý jáne rekonstrýktsııalaý jumysy qolǵa alynǵan.

«Mańyzdy máselelerdiń biri – gazdandyrý. Almaty jáne Saryarqa aýdandaryn tolyqtaı kógildir otynǵa qol jetkizýmen qamtamasyz ettik. Ol úshin 680 km-den astam gaz taratý jelisi salyndy.

Baıqońyr jáne Esil aýdandaryna gaz qubyrynyń qurylysyna kiristik», – dep jazdy elorda ákimi.


Avtor:
Tilshi

Jańalyqtar

MURAǴAT