Elordada úsh jasóspirim beıtanys adamǵa shabýyl jasaǵan

NUR-SULTAN. QazAqparat – 32 jastaǵy astana turǵyny túnde úıge qaıtyp kele jatqanda buzaqylar uryp-soqqan, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.

Uqsas jańalyqtar

Túrkistan oblysynda quny 1 mln teńgeden astam kúrketaýyqtardy urlap ketken

Atyraýda túrmege telefon ótkizbek bolǵandar qamaýǵa alyndy Almaty oblysynda pedofıl ómir boıyna bas  bostandyǵynan aıyryldy QI-Trade Kazakhstan» qarjylyq pıramıdasynyń eki dırektory ustaldy

Er adamnyń aıtýynsha, úsh jasóspirim onyń sońynan júrip, ony qasaqana tóbeleske shaqyrǵan, sodan keıin uryp-soǵyp, jasyrynyp qalǵan.

Jedel-izdeý sharasy barysynda buzaqylar ustaldy. Beıtanys adamǵa shabýyl jasaǵan kámeletke tolmaǵan úsh jigit polıtsııaǵa jetkizildi. Sondaı-aq, polıtsııaǵa kámelet jasyna tolmaǵan balalardyń zańdy ókilderi shaqyryldy.

Osy fakt boıynsha QR QK 293-baby («Buzaqylyq») boıynsha sotqa deıingi tergeý júrip jatyr.

Sondaı-aq, balalardyń zańdy ókilderi de QR ÁQBtK 442-baby 2-tarmaǵy (Kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolýy) boıynsha ákimshilik jaýapqa tartyldy.

Úsh jigitti ıývenaldy polıtsııa ınspektorlary baqylaýǵa aldy.