+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Elordada Úsh arysqa eskertkish ornatylyp, Jazýshylar úıi ashyldy

2019 jylǵy 14 jeltoqsan 22:19
Bólisińiz:
Elordada Úsh arysqa eskertkish ornatylyp, Jazýshylar úıi ashyldy

NUR-SULTAN. QazAqparat – Elordada Táýelsizdik kúni merekesi qarsańynda qazaq ádebıetiniń alyptary Sáken Seıfýllın, Іlııas Jansúgirov jáne Beıimbet Maılınge eskertkish ornatyldy. Bul týraly qala ákimi Altaı Kólginov Facebook-tegi paraqshasynda málim etti, dep habarlaıdy QazAqparat.

Aıta keteıik, bıyl Úsh arystyń týǵanyna 125 jyl tolyp otyr.

«Ultymyzdyń tar jol taıǵaq keshken jyldaryn romanynyń ataýymen astarlap jetkizip, qazaq ataýyn qujat júzinde qaıtarǵan Sáken Seıfýllın murasynyń bizdiń rýhanııatymyzda alatyn orny erekshe. Búginde qalamyzda mýzeıi jumys isteıdi. Endi mine eskertkishi ashylyp otyr.

Beıimbet Maılın óziniń jazýshylyǵymen qatar, eldi saýattylyqqa úndep, alǵashqy «Qazaq» gazetine, «Aıqap» jýrnalyna jáne basqa da basylymdarǵa turaqty máselelerdi jazǵan jýrnalıstigimen de kóp eńbek sińirdi. Dramatýrgtyǵy bir tóbe. Áńgimeleri áli kúnge deıin ózektiligin joımaı, jas urpaqty tárbıeleý máselesinde paıdalanylyp keledi. Іlııas Jansúgirov – qazaq folkloryn damytqan tulǵa. «Kúıshi«, «Qulager« poemalary – tunǵan tarıh. «Uly dalanyń jeti qyry» atty maqaladaǵy keleli oılardyń negizinde dúnıege kelgen bul týyndyny kóptiń qýanyshy dep bilemin. Bul eskertkish ótkenge qurmet qana emes, tarıhymyzǵa qoıylǵan biregeı belgi, bolashaqqa degen kámil senim. Azat eldiń astanasy – Nur-Sultan qalasynyń tórinde taǵdyry da bir, ómiri de uqsas ultymyzdyń Uly perzentterine arnalǵan eskertkishtiń turýy – zańdylyq. Jas urpaqqa úlgi-ónege bolady degen úmittemin», - dedi A.Kólginov.

Búgin sondaı-aq qalada Jazýshylar úıi ashyldy.

Atalmysh sharalarǵa Jazýshylar odaǵynyń tóraǵasy Ulyqbek Esdáýlet, aqyn-jazýshylar Marfýǵa Aıtqojına, Ánes Saraı, Nesipbek Aıtuly, Jazýshylar odaǵy qalalyq fılıalynyń tóraǵasy Dáýletkereı Kápuly, sondaı-aq jas qalamgerler qatysty.

Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT