FÝTBOLDAN ÁLEM ChEMPIONATY-2022

Elordada Túrkııa mamandary jalǵan qujattardy anyqtaýdyń jaı-japsaryn túsindirip jatyr

2022 jylǵy 26 qyrkúıek, 12:30
Elordada Túrkııa mamandary jalǵan qujattardy anyqtaýdyń jaı-japsaryn túsindirip jatyr

ASTANA. QazAqparat – Elordada zańsyz kóshi-qonnyń aldyn alý jáne qujattardy qoldan jasaý qylmysymen kúres taqyrybynda Azııadaǵy ózara is-qımyl jáne senim sharalary jónindegi keńestiń (AÓSShK) bes kúndik semınary bastaldy, dep habarlaıdy QazAqparat tilshisi.

«Zańsyz kóshi-qonmen kúres salasynda jalǵan qujat jasaý qylmystaryna jol bermeý mańyzdy bolyp tur. Sebebi bul áreketter ekonomıkalyq ári áleýmettik turǵyda eleýli shyǵyn keltiredi. Túrkııa syn-qaterler baǵytynda AÓSShK-niń senim is-sharalarynyń úılestirýshisi qyzmetin atqaryp otyr. Osy oraıda júıeli túrde quqyq qorǵaý organdary qyzmetkerleri úshin biliktilikti arttyrý kýrstaryn ótkizip jatyr. Sońǵy úsh jylda AÓSShK-ǵa múshe elder úshin Túrkııa on ekinshi semınardy uıymdastyrdy. Osyǵan deıin AÓSShK-niń kásibı daıyndyǵyna arnalǵan kýrstar esirtkiniń zańsyz aınalymymen jáne terrorızmdi qarjylandyrýmen, halyqaralyq uıymdasqan qylmyspen kúres taqyryptaryna arnaldy», - dedi AÓSShK hatshylyǵynyń atqarýshy dırektory Qaırat Sarybaı.

Búgingi kýrs zańsyz kóshi-qonǵa ákelip soqtyratyn jol júrý qujattaryn qoldan jasaý qylmysymen kúreske arnalǵan. Sonymen qatar bul baǵytta qomaqty somada tólenbegen salyq máselesin sheshý, qaýipti juqpaly aýrýlardyń taralýyna jol bermeý jáne basqa da problemalar boıynsha talqylaýlar bolady.

Sonymen qatar ol 7 naýryzda BUU-nyń kóshi-qon jelisi boıynsha arnaıy esep jarııalaǵanyn eske saldy. Oǵan sáıkes sońǵy bes jylda 47 myń mıgrant iz-túzsiz joǵalyp ketken nemese kóshi-qon joldarynda qaıtys bolǵan. Bul rette jalǵan qujat jasaýshylardyń da zańsyz áreketi baıqalyp otyr.

«Bizdiń semınarǵa AÓSShK-ge múshe memleketter quqyq qorǵaý organdarynyń óte tájirıbeli qyzmetkerleri kelgen. Olarǵa qoǵamdyq tártipti qorǵaý jáne memlekettik shekaralardaǵy quqyq tártibin qamtamasyz etýde úlken jaýapkershilik júktelgen», - dedi Qaırat Sarybaı.


Tegı:
Uqsas jańalyqtar
Seriktester jańalyqtary

Jańalyqtar