Elordada týrıstik fotoalań paıda boldy
2022 jylǵy 4 shilde 15:31

Elordada týrıstik fotoalań paıda boldy

NUR-SULTAN. QazAqparat – Búgin elordada týrısterge arnalǵan «Neo Nomad - 2022» aktsııasy bastaldy, dep habarlaıdy QazAqparat tilshisi.

«Týrısterge arnalǵan jańa joba «Neo Nomad 2022» (zamanaýı kóshpendi) dep atalady. Týrıst bir jyldyń ishinde elimizdiń 20 aımaǵyna baryp, arnaıy qoıylǵan jıektemeniń (ramka) aldynda sýretke túsýi tıis. Solaısha 20 fotosýret jınaǵan týrıstke «Zamanaýı kóshpendi» mártebesi men estelik syılyq tabys etiledi. Taǵy bir talap fotosýretterdi Facebook, Instagram áleýmettik jelilerine arnaıy #NeoNomad2022 heshtegimen jarııalaý qajet. Búgin arnaıy foto alań Nur-Sultan qalasynda alǵash ashylyp otyr. Aldaǵy ýaqytta barlyq 20 óńirde bolady», - dedi Mádenıet jáne sport vıtse-mınıstri Erjan Erkinbaev.

Onyń aıtýynsha, atalǵan aktsııa óńirlerde jergilikti ákimdik esebinen júzege asyrylady.

«Osyndaı foto jıekteme (ramka) taıaý arada basqa óńirlerde paıda bolady degen úmittemin. «Neo Nomad» jobasynyń máni – týrısterdiń kóńildi, birtekti fotosýretterin áleýmettik jeli arqyly jıi jarııalaý. Bir jaǵynan - týrıstik PR qadam», - deıdi ol.

Qazaqstan boıynsha lokatsııalar tizimi:

1. Nur-Sultan qalasy - «Báıterek» monýmenti;

2. Almaty qalasy- «Shymbulaq» taý kýrorty;

3. Aqmola oblysy - Zerendi kóli;

4. Aqtóbe oblysy - Aqtolaǵaı ústirti;

5. Almaty oblysy - Tańbaly petroglıfteri;

6. Atyraý oblysy - Saraıshyq qalashyǵy;

7. Batys Qazaqstan oblysy – Kópester úıi (Oral qalasy);

8. Jambyl oblysy - Aısha bıbi kesenesi;

9. Qaraǵandy oblysy - Qarqaraly MUTP;

10. Qostanaı oblysy - Naýyrzym qoryǵy;

11. Qyzylorda oblysy - «Qorqyt Ata» memorıaldyq kesheni;

12. Mańǵystaý oblysy - «Kógildir shyǵanaq»;

13. Túrkistan oblysy - Saýran qalashyǵy;

14. Pavlodar oblysy - «Kempirtas» jartasy «Baıanaýyl» MUTP;

15. Soltústik Qazaqstan oblysy - Imantaý kóli;

16. Shyǵys Qazaqstan oblysy – «Berel» murajaı-qoryǵy;

17. Shymkent qalasy - «Tsıtadel» tarıhı kesheni;

18. Abaı oblysy – Abaıdyń «Jıdebaı-Bórili» tarıhı-mádenı kesheni;

19. Jetisý oblysy - Jasylkól kóli;

20. Ulytaý oblysy - «Joshy Han» tarıhı-mádenı ortalyǵy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT