+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Elordada túngi saǵat ekide kóshe kezgen 3 jáne 5 jastaǵy sábıler tabyldy

2021 jylǵy 17 qyrkúıek 19:01
Bólisińiz:
Elordada túngi saǵat ekide kóshe kezgen 3 jáne 5 jastaǵy sábıler tabyldy

NUR-SULTAN. QazAqparat – Elordada polıtsııa qyzmetkerleri «Jasóspirim» aldyn alý is-sharasy aıasynda nashar otbasylarǵa qatysty reıd júrgizip jatyr, dep habarlaıdy QazAqparat tilshisi.

Qalalyq polıtsııa departamentiniń málimetinshe, kámeletke tolmaǵandar isi jónindegi ınspektorlardyń jumysy balalar men jasóspirimder arasyndaǵy quqyqbuzýshylyqtyń aldyn alýmen ǵana shektelmeıdi. Olarǵa balalar men jasóspirimderdiń ata-analarmen de jumys isteý júktelgen.

«Ókinishke oraı ata-analardyń barlyǵy birdeı balalaryn tárbıeleý isimen laıyqty deńgeıde aınalyspaıdy. Іshimdikke nemese esirtkige elitý, beıádep qylyq tanytý, balalarǵa dórekilik kórsetý syndy jat qylyqtardyń oryn alý faktileri bar. Munyń barlyǵy da kámeletke tolmaǵandardy tárbıleý isine teris áserin tıgizýi múmkin», - dep atap ótedi departamentten.

Al Nur-Sultan qalalyq PD ıývenaldy polıtsııa bóliminiń bastyǵy Nellıa Dosjanova «polıtsııa árbir bala otbasynda ómir súrýi tıis!» degen ustanymmen jumys isteıtindigin aıtady.

«Bizdiń mindetimiz – tárbıe berýden jaltaranatyn áke men anany túzetýge barynsha múmkin is-sharany qabyldaý. Ókinishke oraı, kez kelgen jaǵdaıda jumys áńgimelesimen jáne turǵylyqty jerdi tekserýmen aıaqtala bermeıdi. Mundaı jaıtta biz ata-ana quqyǵyn shekteý nemese aıyrý týraly máseleni kóterý arqyly jaýapkershilikke tartýǵa májbúrmiz», - dedi ol.

Departament málimetinshe, elordada quqyq qorǵaý organdarynyń esebinde shamamen 200 otbasy tirkeýge alynǵan. Bul otbasylarda 425 kámeletke tolmaǵan bala tárbıelenýde. Jyl basynan beri 2 azamat ata-ana quqyǵynan aıyrylsa, 7 adamnyń ata-ana quqyǵy shektelip otyr. Jalpy elordada ata-ananyń bala tálim-tárbıesine nemquraıly qaraıtyndyǵyna qatysty faktiler de jıilep tur.

«Máselen, 15 qyrkúıek kúni túngi saǵat 2-de 102 nómirine habarlasqan qala turǵyny Ýálıhanov kóshesinde jol boıynda eki balanyń júrgeni týraly habarlady. 3 jáne 5 jastaǵy sábıler Ómirlik qıyn jaǵdaıǵa tap bolǵan balalardy qoldaý ortalyǵyna ornalastyryldy. Quqyq qorǵaýshylar sábılerdiń úıde jalǵyz bolǵanyn jáne óz betterinshe júrgenin anyqtady. Olar túngi saǵat 2-de úıden shyǵyp ketip, jol boıynda júrgen. Al dál osy ýaqytta olardyń ata-analary kórshileriniń úıinde ishimdik iship otyrǵan. Polıtsııa qyzmetkerleri olardyń analaryna qatysty QR ÁQBtK 127-babymen ákimshilik hattama toldyrdy. Otbasy ıývenaldy polıtsııa baqylaýyna alyndy. Qazirgi ýaqytta kámeletke tolmaǵan balalardyń analaryna qatysty ata-ana quqyǵynan aıyrý nemese shekteý máselesin qarastyrý úshin qujattar jınalyp jatyr», - dep atap ótedi departamentten.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT