Elordada tún jarymynda restoranda kóńil kótergen 70 adam úıine qaıtaryldy

NUR-SULTAN. QazAqparat - Elorda polıtsııasy karantın rejımin buzýshylardy anyqtaýǵa baǵyttalǵan jumysyn jalǵastyrýda, dep habarlaıdy QazAqparat tilshisi.

Uqsas jańalyqtar

ShQO-da koronavırýs juqtyrǵandar azaıyp keledi

Karantın: Qostanaı oblysynda shekteý sharalary qaıta kúsheıdi Almatyda 58 kásipkerlik nysan karantın talaptaryn buzǵany anyqtaldy Koronavırýstyń órshýi: Almatyda sanıtarlyq sharalar kúsheıtildi

Nur-Sultan qalasynyń bas sanıtar dárigeri qaýlysyndaǵy shekteýlerge qaramastan keı azamattar karantın rejımin elemeı, basqa turǵyndarǵa da qaýip tóndirip otyr.

Olar kóńil kóterý oryndaryna, dámhanalar men meıramhanalarǵa barýyn doǵarar emes.

Máselen, elordanyń polıtsııa qyzmetkerleri monıtorıng toptyń quramynda reıd ótkizip, onyń barysynda «ZOLOTO» meıramhanasynda shamamen 70 adamnyń kóńil kóterip otyrǵanyn anyqtady.

«Klıentter meıramhanada áleýmettik araqashyqtyqty jáne sanıtarlyq-epıdemıologııalyq normalardy saqtamaǵan. Kóńil kóterý ornynyń ıesi men kelýshiler salynǵan tyıymǵa qaramastan tóńiregindegi adamdardyń densaýlyǵyna qaýip tóndirgen», - dep atap ótedi Nur-Sultan qalalyq polıtsııa departamentinen.

Atalǵan kóńil kóterý ornyna qatysty materıal jınalyp, sanıtarııalyq-baqylaý basqarmasyna ákimshilik jaýapkershilikke tartý úshin jiberildi.

Jalpy, ótken táýlikte mobıldi top 236 kásipkerlik sýbektisin tekserip, karantın rejımin buzýdyń 5 faktisin anyqtady.

«Nur-Sultan qalalyq polıtsııa departamenti mekeme ıeleri men kelýshiler tarapynan oryn alyp otyrǵan nemquraılylyq ınfektsııanyń taralýyna alyp keletindigin eskertedi. Karantın rejımin buzýshylar qoldanystaǵy zańnamaǵa sáıkes jaýapkershilikke tartylady», - dep eskertedi vedomstvodan.