+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Elordada trıatlonnan álem kýbogy ótip jatyr

2019 jylǵy 15 maýsym 09:28
Bólisińiz:
Elordada trıatlonnan álem kýbogy ótip jatyr

NUR-SULTAN. QazAqparat - Bas qalada ekinshi jyl uıymdastyrylǵan «Nur-Sultan ITU Triathlon World Cup» halyqaralyq kobýgy bastaldy, dep habarlaıdy QazAqparat tilshisi.

Aıtýly sporttyq básekege álemniń 33 elinen kelgen 130-dan astam sportshy qatysýda. Búgin ótip jatqan Elite sanatyndaǵy (kásipqoı) sportshylardyń standartty qashyqtyqtaǵy saıysy úsh kezeńnen turady. Kásipqoı trıatlonshylar ereje saı 1 500 metrge sýda júzip, odan soń 40 shaqyrymdyq velojarysty eńserip jáne 10 shaqyrymǵa júgirip ótedi. Odan bólek, erteń dál osyndaı synaqpen AGE (áýesqoı) sanatyndaǵy trıatlon sportshylar arasynda da jarys ótedi.

Sharanyń maqsaty - elimizde trıatlon sport túrin damytý jáne salaýatty ómir saltyn nasıhattaý. Sol sııaqty otandyq kásibı sportshylardyń, bapkerler men tóreshilerdiń biliktiligin arttyrý.

«Elimizde jyl sanap trıatlon sporty keń etek jaıyp keledi. Onyń bir dáleli búgingi jarysqa ótinim berýshilerdiń sany artyp otyr. Sonymen qatar, Qazaqstannyń 13 óńirinde trıatlon sportynyń ortalyǵy jumys isteıdi. Al jarysqa kelsek, bıyl elimizdiń namysyn Semen Pıvovarov pen Ǵazıza Qumaqbaeva qorǵaıtyn bolady. Al erteń 200 áýesqoı trıatlonshy arasynda Qazaqstannyń kýbogy ótedi. Barlyq sportshylarǵa sáttilik tileımin», - dedi QR Mádenıet jáne sport vıtse-mınıstri Eldos Ramazanov Álem kýbogynyń ashylý saltanatynda.

Álemniń 123 ulttyq federatsııalarynyń basyn qosqan halyqqaralyq trıatlon odaǵynyń (ITU) bastamasymen kásibı sportshylar arasynda ótip jatqan atalǵan halyqaralyq jarys QR Mádenıet jáne sport mınıstrligi «Samruq-Qazyna» ulttyq ál-aýqat qory» AQ, QR Ulttyq olımpıada komıtetiniń, Nur-Sultan qalasynyń ákimdigi jáne BI Group kompanııasynyń qoldaýymen ótýde. Al uıymdastyrýshy rólin Qazaqstannyń trıatlon federatsııasy men Astana trıatlon federatsııasy atqarýda.

Aıta ketsek, trıatlon - júzý, velojarys jáne júgirý sekildi jekelegen sport túrlerinen quralǵan mýltısportıvti tsıkldyq olımpıadalyq sport túri. Trıatlon kezeńderin sportshylar kezekpen jáne úzilissiz baǵyndyrady. Sporttyq báseke halyqaralyq Trıatlon odaǵynyń (International Triathlon Union) erejelerimen retteledi.

Bizdiń kanalymyzǵa jazylyńyz:

Basty sózder: Nur-Sultan, Sport,
Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT