Elordada terezeden qulaǵan eki bala jansaqtaý bóliminde jatyr

NUR-SULTAN. QazAqparat - Bıyl elordada balalardyń terezeden qulaýynyń 9 faktisi tirkeldi. Bul týraly órt qaýipsizdigi sharalary jáne balalardyń terezeden qulaý oqıǵalary boıynsha ótken onlaın brıfıngte aıtyldy, dep habarlaıdy QazAqparat tilshisi.

Uqsas jańalyqtar

Almaty oblysynda úıinen ketip qalǵan oqýshy 20 kúnnen keıin tabyldy

Beırýt gýbernatory: jarylys shyǵyny 3-5 mlrd dollardy qurady Beırýttaǵy jarylys: qaza tapqandar sany 100 adamnan asty Elordada karantın rejımin buzǵan kásipkerlik nysandaryna 15 542 910 teńge aıyppul salyndy

«2018 jyldan beri balalardyń terezeden qulaý jaǵdaıy 51 ret tirkelgen. Onyń 31-inde qulaǵandar ártúrli jaraqat alsa, 13-i qaza tapqan. Bıyl terezeden qulaýdyń 9 jaǵdaıy tirkeldi. Keshe, onyń arǵy kúni elorda aýmaǵynda Qosshyǵululy men Aqmeshit kóshesinde osyndaı eki jaǵdaı boldy. Abyroı bolǵanda balalar aman qalyp, qazirgi ýaqytta jansaqtaý bóliminde emdelip jatyr», - deıdi Nur-Sultan qalasy TJD basqarmag bastyǵynyń mindetin atqarýshy Erkin Otarǵalymuly.

Onyń aıtýynsha, kóbinese 2-7 jas aralyǵyndaǵy balalarda terezeden qulap ketý qaýpi zor.

«Mundaı jaǵdaıdyń aldyn alý úshin balany ashyq tereze aldynda qaraýsyz qaldyrýǵa bolmaıdy. Syrttaǵy balalardyń daýysy úıdegi balany elitip, tereze aldyna barýyna sebepshi bolýy múmkin. Sol sebepti ashyq tereze aldyna oryndyq, dıvan, kreslo sııaqty jıhazdardy qoıýǵa bolmaıdy. Moskıtti tor balanyń salmaǵyn kótere almaıdy, sondyqtan terezege arnaıy qorǵanys qurylǵylaryn ornatyp, qulyp qoıý kerek», - deıdi ol.