+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Elordada táýligine 1 500-den astam koronavırýs juqtyrý jaǵdaıy tirkeledi

2021 jylǵy 30 shilde 18:54
Bólisińiz:
Elordada táýligine 1 500-den astam koronavırýs juqtyrý jaǵdaıy tirkeledi

NUR-SULTAN. QazAqparat – Elordanyń sanıtarlyq-epıdemıologııalyq baqylaý departamenti qaladaǵy epıdemıologııalyq ahýaldy baıandady, dep habarlaıdy QazAqparat.

Uqsas jańalyqtar
Elordada jyl sońyna deıin úsh jastarǵa qyzmet kórsetý ortalyǵy ashylady Alıment tólemeı júrgen astanalyq 1 jylǵa sottaldy Elordada gúl satýshy bolý úshin ýaqytsha synaq merziminde júrgen boıjetken kassadan aqsha urlady

«Elordada COVID-19 boıynsha epıdemıologııalyq jaǵdaı kúrdeli bolyp qalýda. Qalada «Delta» (úndi) shtamynyń taralýyna baılanysty teris dınamıka maýsymnyń birinshi onkúndiginen keıin baıqaldy. Qala besinshi aı qatarynan «qyzyl aımaqta» tur», - dep jazylǵan departament jaýabynda.

Bıylǵy shilde aıynda pandemııa bastalǵaly 100 myń turǵynǵa shaqqandaǵy eń joǵary aptalyq kórsetkish tirkeldi jáne ol 915,9 qurady.

«Ortasha táýliktik tirkeý maýsym aıynda 340 bolsa, shilde aıynda 1 500-ge deıin ósti. Sońǵy 16 kúnde táýligine 1 500-den astam jaǵdaı tirkelýde, juqtyrǵandardyń eń kóp sany 14 shildede baıqaldy – 1 576 naýqas anyqtaldy. Jalpy syrqattanýshylyqtyń 80,6%-yn eresekter, balalar – 16,7%, jasóspirimder – 2,8%. Atap ótken jón, koronavırýstyń jańa túri – delta shtamy anaǵurlym juqpaly bolýymen, qysqa ınkýbatsııalyq kezeńmen erekshelenedi jáne aýrýhanaǵa jatqyzý men ólim-jitimniń joǵary yqtımaldyǵy bar, orta eseppen bul shtamdy bir adamnan 5-6 adam juqtyrady», - dep atap ótti vedomstvonyń baspasóz qyzmeti.

Búginde qalada 16 ınfektsııalyq statsıonar jumys isteıdi. Onda jalpy sany 3 912 tósek-oryn bar.

Nur-Sultan qalasy Densaýlyq saqtaý basqarmasynyń málimetterine sáıkes, ınfektsııalyq statsıonarlarda 2 816 naýqas jatyr, bul tósek-oryn júktemesiniń 72%-yn quraıdy. Onyń ishinde 267 adam reanımatsııa bólimshesinde, ókpeni jasandy jeldetý apparatyna 45 adam qosylǵan. Ótken táýlikte ǵana qalada 347 adam aýrýhanaǵa jatqyzylǵan, 313 naýqas shyǵaryldy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT