+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Elordada tanymal kompozıtorlardyń án keshi ótti

2019 jylǵy 17 qazan 09:30
Bólisińiz:
Elordada tanymal kompozıtorlardyń án keshi ótti

NUR-SULTAN. QazAqparat – «Rýhanı jańǵyrý» baǵdarlamasy aıasynda tarıhı-mádenı qundylyqtardy dáripteý jáne damytý maqsatynda «Umytylmas ánder» atty kontsert ótti, dep habarlaıdy QazAqparat tilshisi.

Uqsas jańalyqtar

«Bul kontsert osymen úshinshi jyl ótip jatyr. Bıylǵy kontserttiń ereksheligi sol, kesh sımfonııalyq orkestrdiń súıemeldeýimen ótip jatyr. Bizde jyl saıyn jas ánshiler arasynda tyńdaý baıqaýy ótip turady, odan ótken ártisterdi qatarymyzǵa qabyldap, olar óz óner qorjyndaryn umytylyp bara jatqan ándermen tolyqtyryp otyrady», - dedi Nur-Sultan qalasy memlekettik akademııalyq fılarmonııasynyń klassıka jáne vokal bóliminiń kórkemdik jetekshisi, mádenıet salasynyń úzdigi Araılym Rahymqyzy.

Onyń aıtýynsha, aıtýly keshke 20 ánshi 20 umytylyp bara jatqan ánderdi oryndaǵan.

«Bizde jospar boıynsha jyl boıy beretin kontsertterdiń tizimi bar. Búgingi kontsert sonyń biri, ıaǵnı afıshalyq kontsertter qataryna jatady. Bir jylda biz 40 qalalyq jáne respýblıkalyq deńgeıde afıshalyq kontsert beremiz, odan bólek janama kontsertter bar. Sondaı-aq, aldaǵy qarasha aıynda «Kezder-aı» atty retro kontsert ótedi, odan bólek 11 jeltoqsanda aýyl, týǵan jer taqyrybyna arnalǵan kontsert uıymdastyrmaqpyz. Jáne 23 jeltoqsanda jyldy qorytyndylap «Jańa jylǵa jańa án» atty kesh kontsertin ótkizgeli jatyrmyz», - dedi ol.

Fılarmonııa ókiliniń sózinge qaraǵanda, búgingi kontsert sımfonııalyq orkestrdiń súıemeldeýimen jandy daýysta ótken.

«Osyndaı kontsertter jıi uıymdastyrylýy kerek. Halyq eski ánderdi saǵynady. Sebebi qazir jeńil ánder óte kóp. Bizge kontsertke shaqyrsa qýana-qýana kelemiz. Búgingi kontsertte kompozıtor Temirjan Bazarbaevtyń «Tamasha» ánin oryndaımyn», - dedi QR Eńbegi sińgen ártis Baǵdat Sámedınova.

Aıtýly án keshinde elimizge tanymal Ábilahat Esbaev, Sydyq Muhamedjanov jáne Temirjan Bazarbaev sekildi kompozıtorlardyń ánderi oryndaldy. Al ánderdi oryndaǵan sahna juldyzdary qatarynda Nurjamal Úsenbaeva, Baǵdat Sámedınova, Altynaı Jorabaeva, Aıgúl Qosanova, Estaı Muqashev, Dıana Maı jáne taǵy basqa óner maıtalmandary boldy.

Bizdiń kanalymyzǵa jazylyńyz:

Bólisińiz:

Avtor:

Álı Ibraev

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT