+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Elordada taǵy bir sanktsııalanǵan jaǵajaı paıda bolady

2021 jylǵy 3 tamyz 14:18
Bólisińiz:
Elordada taǵy bir sanktsııalanǵan jaǵajaı paıda bolady

NUR-SULTAN. QazAqparat – Elorda aýmaǵyndaǵy taǵy bir jaǵajaıda shomylýǵa jaramdy nysan retinde rásimdeý máselesi pysyqtalyp jatyr, dep habarlaıdy QazAqparat tilshisi.

Bul týraly Nur-Sultan qalasy Tótenshe jaǵdaılar departamenti Azamattyq qorǵaý basqarma bastyǵy Rátbek Demeýbergen ákimdiktiń aqparat alańynda ótken onlaın brıfıngide aıtty.

«Nur-Sultan qalasy ákimdiginiń «Nur-Sultan qalasynyń sý obektileri men sý sharýashylyǵy qurylystarynda jappaı demalý, týrızm jáne sport úshin oryndar belgileý týraly» qaýlysy bar. Onda halyqtyń shomylýyna arnalǵan sý aıdyndarynyń 3 ýchaskesi («Ortalyq jaǵajaı», «Trı peskarıa» jáne «Astanalyq aýla» demalys aımaqtary) aıqyndalǵan», - dedi basqarma bastyǵy.

Onyń sózinshe, jýyqta elorda aýmaǵynda taǵy bir sanktsııalanǵan jaǵajaı ashylýy múmkin.

«Oǵan osymsha Astana kúni qarsańynda «Trıatlon parki» aýdanynda qosymsha bir jaǵajaı ashyldy. Osy jaǵajaıdy shomylýǵa ruqsat etilgen obektiler tizimine engizý úshin ákimdikpen birge «Nur-Sultan qalasynyń sý obektileri men sý sharýashylyǵy qurylystarynda jappaı demalý, týrızm jáne sport úshin oryndar belgileý týraly» Nur-Sultan qalasy ákiminiń qaýlysyna tolyqtyrý máselesi pysyqtalýda», - dedi Ratbek Demeýbergen.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT