Elordada sýsyn bótelkelerin qabyldaıtyn 15 fandomat ornatylady
2021 jylǵy 4 maýsym 18:42

Elordada sýsyn bótelkelerin qabyldaıtyn 15 fandomat ornatylady

NUR-SULTAN. QazAqparat – Elordada «Kerýen» saýda ortalyǵynda bótelkelerdi qaıta óńdeýge qabyldaıtyn «Fandobox ecoplatform» avtomaty iske qosyldy, dep habarlaıdy QazAqparat tilshisi.

Plastıkti óńdeýden alynǵan shıkizatty bolashaqta jańa qaptama óndirisinde qoldanýǵa bolady. Sharaǵa QR Ekologııa, geologııa jáne tabıǵı resýrstar mınıstri Maǵzum Myrzaǵalıev arnaıy qatysty.

«Búgin elorda tarıhyndaǵy mańyzdy kún dep oılaımyn, 5 maýsym – «Dúnıejúzilik qorshaǵan ortany qorǵaý kúni» ótedi, sonyń qarsańynda elordada bótelkeler qabyldaıtyn birinshi apparat qoıyldy. Óz kezeginde bizdiń mınıstrlik osyndaı fandomattar ornatýǵa kómek pen qoldaý kórsetýge daıyn», - dedi Ekologııa mınıstri.

Apparatty ornatý týraly bastamaǵa «Galmart» sýpermarketi qoldaý kórsetken.

«Bul sharanyń Dúnıejúzilik qorshaǵan ortany qorǵaý kúni qarsańynda ótkenine óte qýanyshtymyz. Mundaı fandomattardyń bolashaǵy zor dep oılaımyn. Endi tabıǵatty lastamaýǵa, plastık jınaýǵa múmkindik bar. Fandomattar turǵyndar arasynda tanymal bolatynyna úmittenemiz. Biz tabıǵatqa qamqorlyq jasaımyz jáne qorshaǵan ortany taza ustaý úshin qoldan kelgenniń bárin jasaımyz», - deıdi Galmart jelileriniń bas dırektory Madına Shahbýtova.

Apparat kólemi 0,5-ten 2 lıtrge deıingi plastık bótelkelerdi, alıýmınıı bankalardy shtrıh-kodymen qabyldaıdy. Olardyń ishinde suıyqtyq bolmaýy tıis. Aldymen qolaıly bótelkeniń nemese bankanyń shtrıh-kodyn kórsetý kerek. Bótelke kórsetilgen ólshemderge sáıkes kelse, apparat ony qabyldaıdy. Birneshe bótelke nemese banka tapsyrǵyńyz kelse de, olardy kezek-kezek salý kerek.

«Bul reseılik kompanııanyń ázirlemesi. Ázirge apparat Almaty men Nur-Sultandaǵy eki saýda-oıyn-saýyq ortalyǵyna ornattyq. Aıdyń sońyna sheıin «Kerýen City», Talan Towers saýda ortalyqtary men Galmart sýpermarketter jelilerine fandomattar ornatýdy josparlap otyrmyz. Barlyǵy 15 fandomat ornatylady. «Jasyl» tehnologııalardy engizý, Qazaqstanda bıznesti keńinen tarta otyryp, qaldyqtardy qaıta óńdeý salasynyń ınfraqurylymyn damytýǵa kómektesýmen «Operator ROP» JShS aınalysady, ol bizdiń kompanııamen tyǵyz yntymaqtastyqta jumys isteıdi, bul fandomat «Kerýen» saýda oıyn-saýyq ortalyǵynda ornatylǵan jáne SM galmart búkil jelisin qamtýdy josparlaǵan kelesi toptama, sondaı-aq Qazaqstannyń basqa qalalarynda ornatý úshin ROP operatorynyń kómegimen júzege asyrylady», - dedi ecoplatform kompanııasynyń dırektory Ádilet Nurselınov.

Halyqty yntalandyrý maqsatynda plastıkalyq bótelkelerdi tapsyratyn turǵyndarǵa bonýstar beriledi. Bonýsty telefon nómiri nemese bank kartasyn tirkeý arqyly jınaýǵa bolady.

«ıAǵnı, Galmart klıenti sýpermarkettiń mobıldi qosymshasyn júkteıdi, avtorızatsııa jasaıdy jáne belgili bir derbes shot ashady, oǵan saýda-oıyn-saýyq ortalyǵy aýmaǵynda jumsaýǵa bolatyn bonýstar jınaqtalady. Sondaı-aq Kaspi-men de kelissózder júrgizip jatyrmyz. Kelissózder sátti ótse, halyq ekologııalyq jobaǵa kóbirek qyzyǵýshylyq tanytar edi», - deıdi Ádilet Nurselınov.



Jańalyqtar

MURAǴAT