Elordada sýburqaqtan enterovırýs RNK-sy anyqtaldy
2022 jylǵy 1 shilde 16:42

Elordada sýburqaqtan enterovırýs RNK-sy anyqtaldy

NUR-SULTAN. QazAqparat - Elordada sýburqaqtan enterovırýs RNK-sy anyqtaldy. Bul jaıynda elordanyń bas sanıtar dárigeri Sarhat Beısenova málim etti, dep habarlaıdy QazAqparat tilshisi.

«Aýa raıynyń jyly bolýyna jáne shomylý maýsymynyń bastalýyna baılanysty elordada enterovırýstyq ınfektsııamen syrqattanýshylyqtyń maýsymdyq artýy baıqalady. Atap aıtqanda, sońǵy eki aptada Nur-Sultan qalasy boıynsha syrqattanýshylyq deńgeıi 2,6 ese ósti. Jalpy jyl basynan beri 453 adam aýyryp qaldy. Onyń 52 paıyzy nemese 234 jaǵdaı jazǵy kezeńge keledi. Balalar, sondaı-aq ımmýn tapshylyǵy bar nemese basqa syrqat túrlerinen álsiregen adamdar bul ınfektsııaǵa kóbirek beıim. Jyl basynan beri tirkelgen barlyq jaǵdaılardyń 98 paıyzy nemese 443-i - 14 jasqa deıingi balalar. Qazirgi ýaqytta 63 bala em alýda», dedi ol.

Onyń aıtýynsha, epıdemııalyq maýsymda balalar arasynda enterovırýstyq ınfektsııanyń kóp taralýynyń negizgi sebebi sý qoımalarynda, basseınder men sýburqaqtarda shomylý bolyp tur.

«Osy mán-jaılardy eskere otyryp, Nur-Sultan qalasynyń sanıtarııalyq-epıdemıologııalyq baqylaý departamenti turǵyndarǵa balalardyń densaýlyǵyn saqtaý boıynsha barlyq sharalardy qabyldaý jáne olardyń ómirine qaýip tóndiretin barlyq jaǵdaılardyń aldyn alý qajettiligi týraly keńes beredi», -dedi Sarhat Beısenova.

Esterińizge sala keteıik, astanalyq sanıtarııalyq-epıdemıologııalyq baqylaý departamenti epıdemıologııalyq maýsymda mamyrdan qyrkúıekke deıin zerthanalyq zertteýlerge sý synamalaryn ala otyryp, sýburqaqtardyń sý sapasyna sanıtarlyq-epıdemıologııalyq monıtorıng júrgizedi. Zerthanalyq zertteýler nátıjeleri boıynsha sáıkessizdikter anyqtaldy. Atap aıtqanda, laılylyq boıynsha ruqsat etilgen mánniń 1,04 - 1,4 ese artýy baıqalady.

Sondaı-aq Abaı jáne Jeńis dańǵyldarynyń qıylysynda ornalasqan sý burqaqta vırýsologııalyq kórsetkishter boıynsha enterovırýs RNK-sy anyqtalyp otyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT