+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Elordada sońǵy qońyraý saltanaty onlaın ótedi

2020 jylǵy 24 mamyr 21:13
Bólisińiz:
Elordada sońǵy qońyraý saltanaty onlaın ótedi

NUR-SULTAN. QazAqparat - Elordada sońǵy qońyraý saltanaty qalaı ótetini belgili boldy, dep habarlaıdy QazAqparat qala ákiminiń resmı saıtyna silteme jasap.

«25 mamyrda 1-10 synyptarda onlaın-sońǵy qońyraý sharasy, 3 maýsymda mektep bitirýshi túlekterge attestat tabystaý rásimi mektep aýlasynda ótkiziledi. Al balabaqshalar qazirgideı «kezekshi top» rejıminde jumysyn jalǵastyrady» dep habarlaıdy bilim basqarmasynyń basshysy Sholpan Qadyrova.

25 mamyr saǵat 11-de telearnalar arqyly Qazaqstan Respýblıkasy Bilim jáne ǵylym mınıstri Ashat Aımaǵambetov túlekterdi quttyqtaıdy.

Sonymen qatar, sol kúni barlyq mektepterde múmkindiginshe ata-analardyń, qamqorlyq keńes músheleriniń, bıznes ókilderiniń, mektepti úzdik bitirgen burynǵy túlekterdiń qatysýymen 1-10 synyptarǵa arnalǵan onlaın sońǵy qońyraý ótkiziledi.

Atalmysh shara erkin keste boıynsha ótedi. Bıyl mektep bitirý is-sharasy QR BǴM nusqaýlyǵy boıynsha «Birgemiz: TÚLEK-2020» uranymen ótedi.

3 maýsym kúni barlyq mektepterde 11 synyp túlekteri úshin attestattar men «Altyn belgini» tapsyrý rásimi ótkiziledi. Іs-shara mektep aýmaǵynda, ashyq aspan astynda uıymdastyrylady. Mektep bitirýshilerdiń mektep formasymen qatysýy qatań túrde eskertiledi.

Saltanatty rásimnen keıin «Túlekter alleıasynda» aǵash otyrǵyzý josparlanǵan. Bitirý is-sharalaryn ótkizý kúnderi mektep ákimshiligine quqyq buzýshylyqqa jol bermeý, sanıtarlyq jáne epıdemııaǵa qarsy rejımdi qatań saqtaý sharalary júkteldi.

18 mamyrdan bastap menshik nysanyna qaramastan barlyq mektepke deıingi uıymdar sanıtarlyq-dezınfektsııalyq rejımdi saqtaı otyryp, óz jumysyn birinshi kezekte balany úıde qaldyrýǵa múmkindigi joq, jumys isteıtin ata-analar úshin «kezekshi top» rejıminde qaıta bastady.

Elordada 55 708 bala bar. Túrli tıptegi 377 mektepke deıingi uıym jumys isteıdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT