Elordada saýda ortalyǵynda áıel kóz jumdy
2021 jylǵy 23 qarasha 11:44

Elordada saýda ortalyǵynda áıel kóz jumdy

NUR-SULTAN. QazAqparat – Elordada saýda, oıyn-saýyq ortalyǵynda áıel adam kóz jumdy, dep habarlaıdy QazAqparat tilshisi.

Bul aqparatty Nur-Sultan qalalyq Qoǵamdyq densaýlyq saqtaý basqarmasy rastap, oqıǵanyń 22 qarasha kúni bolǵanyn habarlady.

«22 qarasha kúni 103 pýltine MEGA Silk Way saýda, oıyn-saýyq ortalyǵynda áıel adamnyń es-tússiz jatqany týraly shuǵyl shaqyrtý tústi. Jedel járdem brıgadasy kelgen kezde áıelde tirshilik belgileri bolǵan joq.

Kýágerlerdiń aıtýynsha, 1992 jyly dúnıege kelgen áıel kenetten es-túsinen aıyrylyp, selkildeı bastaǵan. Osydan keıin kýágerler saýda, oıyn-saýyq ortalyǵy medıtsına pýnktiniń qyzmetkerlerin shaqyryp, olar reanımatsııa jasaǵan. Biraq, ol sátsiz boldy. Múrde polıtsııa qyzmetkerlerine berildi», - dep atap ótedi basqarmadan.


Uqsas jańalyqtar

Jańalyqtar

Úrdis

MURAǴAT