+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Elordada «Sahnager-2019» Ulttyq teatr syılyǵynyń saltanatty marapattaý rásimi ótedi

2019 jylǵy 13 jeltoqsan 00:25
Bólisińiz:
Elordada «Sahnager-2019» Ulttyq teatr syılyǵynyń saltanatty marapattaý rásimi ótedi

NUR-SULTAN. QazAqparat - 17 jeltoqsan kúni Nur-Sultanda QR Mádenıet jáne sport mınıstrligi Qazaqstan teatrlar assotsıatsııasynyń uıymdastyrýymen «Sahnager-2019» Ulttyq teatr syılyǵynyń saltanatty marapattaý keshin ótkizedi, dep habarlaıdy QazAqparat.

Uqsas jańalyqtar
Pavlodarlyq balalar teatry respýblıkalyq baıqaýda bas júlde jeńip aldy Qazaqstandyq bı stýdııasy Máskeýde ótken festıvalde jeńimpaz atandy Abaıǵa 175 jyl: Semeıde mereıtoıǵa daıyndyq barysy pysyqtaldy

«Sahnager-2019» Ulttyq teatr syılyǵy - elimizdiń mádenı keńistigin biriktirip qana qoımaı, memleketimizdiń kópultty teatr óneriniń damýyna tirek bolatyn kórkemdik-estetıkalyq jáne rýhanı qundylyqtardy nasıhattap, búgingi teatr óneri úrdisindegi jańashyldyq pen sahnalyq izdenisterdi kópshilikke dáriptep, óskeleń urpaqtyń boıynda otansúıgishtik qasıetter men eldik sezimderdi arttyrýǵa jol ashyp, respýblıkalyq jáne aımaqtyq teatrlardyń shyǵarmashylyq kelbetin saqtaý men damytýdaǵy rolin aıqyndap, damytýǵa múmkindik týǵyzady.

Premııa-festıval aıasynda bıylǵy «Jastar jyly» sheńberinde memleketimizdegi daryndy jas artısterdi qoldaýǵa erekshe nazar aýdarylatyn bolady»,-delingen mınıstrlik taratqan habarlamada.

Ulttyq teatr syılyǵy elimizde bıyl úshinshi ret óz ıegerlerin taýyp, laýreattardyń shyǵarmashylyq jetistikteri respýblıkalyq deńgeıde marapattalady. Olardyń qatarynda drama, opera, balet, qýyrshaq, jastar teatrlarynda eńbek etip júrgen, aıyryqsha daryny men shyǵarmashylyǵy arqyly el óneriniń damýyna erekshe úles qosqan kásibı mamandar bar.

«Sahnager-2019» ulttyq syılyǵy - 2018-2019 jyldardaǵy teatr maýsymynyń qorytyndysy boıynsha basty nomınatsııa «Sahnager» syılyǵy men arnaıy kýbogy 18 úzdik mamanǵa beriledi. Sonymen qatar, «Teatr óneriniń damýyna qosqan erekshe úlesi úshin» nomınatsııasy boıynsha 4 sahna sheberi, «Sahnalyq ǵumyr» nomınatsııasy boıynsha shyǵarmashylyq eńbek ótili elý jyldan kem emes 2 óner ardageri, sondaı-aq sahnada úzdik ónerimen jarqyrap kóringen talantty 30 jas mamanǵa «Úmit» syılyǵy tabys etiledi.

Shara 2019 jyldyń 17-jeltoqsany kúni, saǵat 17.00- de Nur-Sultan qalasy ákimdiginiń Jastar teatrynyń ǵımaratynda ótedi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT