Elordada revaktsınalaý tártibi túsindirildi
2021 jylǵy 30 qarasha 16:14

Elordada revaktsınalaý tártibi túsindirildi

NUR-SULTAN. QazAqparat - №2 qalalyq emhana dırektorynyń orynbasary Maıra Ahmetova revaktsınalaý tártibin túsindirdi, dep habarlaıdy QazAqparat tilshisi.

«QR Bas sanıtarlyq dárigeriniń qaýlysyna sáıkes, koronavırýs ınfektsııasyna qarsy qaıtalap egýge birinshi kezekte halyqtyń osal toptary - medıtsına qyzmetkerleri, pedagogtar, medıtsınalyq-áleýmettik mekemelerdiń, jabyq balalar mekemeleriniń qyzmetkerleri men quramy, áleýetti qurylymdardyń qyzmetkerleri qamtylady. Ekinshi kezeńde bastapqy vaktsınalaýyn aıaqtaǵan, qalǵan azamattar qaıta vaktsınalaýǵa jatady. KVI-ge qarsy revaktsınatsııa egý mynadaı aralyqtardy saqtaı otyryp júrgiziledi: vektorlyq ekpelerdi engizgennen keıin revaktsınalaý 9 aıdan keıin júrgiziledi. Al ınaktıvtendirilgen jáne m-RNQ-vaktsınadan (Pfizer) soń 6 aıdan keıin jasalady», - dedi M. Ahmetova onlaın brıfıngide.

Onyń aıtýynsha, eger Sputnik-V vektorlyq ekpesimen alǵash ret vaktsınalaýdan ótken bolsańyz, onda Hayat-Vax, QazVac, Sinovac, Vero Cell sııaqty belsendi emes ekpelermen 9 aıdan keıin ǵana qaıtalap egý qajet.

«Eger alǵashqy egý ınaktıvtendirilgen ekpelermen júrgizilse, onda qaıtalama ekpe retinde Spýtnık-V nemese Pfizer vaktsınasyn 6 aıdan keıin alýǵa bolady», - dedi M. Ahmetova.

Budan buryn habarlanǵandaı, Tımýr Muratov qaladaǵy revaktsınalaý jumystary jaıynda túsindirdi.

Koronavırýstyq ınfektsııaǵa qarsy ekpe alǵysy keletinderdi vaktsınatsııalaý jáne revaktsınatsııalaý qalanyń 31 medıtsınalyq jáne vedomstvolyq uıymdarynda ornalasqan 72 egý kabınetinde, 4 saýda úıi men ortalyqtarynda («Azııa Park», «Ábý-Dabı Plaza», «Kerýen», «Eýrazııa») jáne «Nurly jol» temirjol vokzalynda júrgizilip jatyr.


Jańalyqtar

Úrdis

MURAǴAT