+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Elordada respýblıkalyq stýdentter aıtysy ótti

2021 jylǵy 11 mamyr 23:50
Bólisińiz:
Elordada respýblıkalyq stýdentter aıtysy ótti

NUR-SULTAN. QazAqparat – Elordadaǵy Eýrazııa ulttyq ýnıversıtetinde respýblıkalyq stýdentter aıtysy ótti, dep habarlaıdy QazAqparat.

Uqsas jańalyqtar

Jyr dodasy el táýelsizdiginiń 30 jyldyǵy men L.N.Gýmılev atyndaǵy Eýrazııa ulttyq ýnıversıtetiniń 25 jyldyǵyna oraı uıymdastyrylǵan. «Eń birinshi baqytym...» respýblıkalyq stýdentter aıtysy osymen on besinshi márte ótip otyr.

Aıtysty EUÝ teleradıo jáne qoǵammen kafedrasynyń meńgerýshisi, belgili aıtys aqyn Serikzat Dúısenǵazy júrgizdi. Qazylar alqasynyń quramynda Amanjol Áltaı (tóraǵa), Dáýletkereı Kápuly, Iranǵaıyp Kúzembaev, Erkebulan Qaınazarov sekildi tanymal aıtysker aqyndar men ýnıversıtettiń kásipodaq uıymynyń tóraǵasy Maqsat Aralhanov boldy.

Aıtystyń negizgi júlde qoryna qaıyrymdylyq kómek kórsetken Qazaqstandyq salalyq bilim jáne ǵylym qyzmetkerleriniń kásipodaǵy (tóraıymy Muqasheva Aıgúl Maqsatqyzy) barlyq jas aqyndarǵa qarjylaı syılyqtar tabys etti.

Tórt saǵattan astam ýaqytqa sozylǵan aıtysqa qatysýshylarǵa júldeli oryndardan bólek arnaıy alty nomınatsııa taǵaıyndaldy. Rymǵalı Nurǵalı atyndaǵy arnaıy júlde Orynbek Ardaqqa (M. Áýezov atyndaǵy Ońtústik Qazaqstan memlekettik ýnıversıteti), Dúráli Dúısebaı atyndaǵy arnaıy júlde Ahmetov Ádilge (M. Ótemisov atyndaǵy Batys Qazaqstan ýnıversıteti), Myrzataı Serǵalıev atyndaǵy arnaıy júlde Jumáli Mızamǵa (Pavlodar pedagogıkalyq ýnıversıteti), Náýbat Qalıev atyndaǵy arnaıy júlde Ulǵasbaev Muhtarǵa (EUÝ), Aqseleý Seıdimbek atyndaǵy arnaıy júlde Baqytuly Jandosqa (Akademık E.A. Bóketov atyndaǵy Qaraǵandy ýnıversıteti), Myrzageldi Kemel atyndaǵy arnaıy júlde Baımentaev Erasylǵa (EUÝ) tabystaldy.

ІІІ oryn Qazaq ulttyq óner ýnıversıtetiniń stýdenti Babaqul Muhıtqa buıyrsa, ІІ oryn H. Dosmuhamedov atyndaǵy Atyraý ýnıversıtetiniń stýdenti Farıza Jetpisbaevaǵa tabystaldy. І oryndy Qazaq ulttyq óner ýnıversıtetiniń túlegi Tórehan Sovet ıelendi. Aıtystyń bas júldesin Qorqyt ata atyndaǵy Qyzylorda ýnıversıtetiniń stýdenti Beksultan Orynbasarov jeńip aldy.

Bizdiń kanalymyzǵa jazylyńyz:

Bólisińiz:

Avtor:

Erbol Janat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT