+7 (701) 759 90 19
USD 378.86 EUR 416.78
RUB 6.06 CNY 54.62
Jańalyqtar

Elordada QazaqGeography birlestiginiń V sezi ótti

2019 jylǵy 30 qarasha 14:50
Bólisińiz:
Elordada QazaqGeography birlestiginiń V sezi ótti

NUR-SULTAN. QazAqparat - Qazaqstan Respýblıkasynyń Ulttyq mýzeıinde «QazaqGeography» respýblıkalyq qoǵamdyq birlestiginiń V sezi ótti. Bul jóninde birlestiktiń baspasóz qyzmetine silteme jasap QazAqparat habarlaıdy.

Uqsas jańalyqtar
Asqar Mamın jumysy baıaý ákimderdi synǵa aldy QR Úkimeti men EQQDB arasynda QR densaýlyq saqtaý ınfraqurylymyn jańǵyrtý kelisimi jasaldy Mamınniń AQSh-qa sapary: Amerıkalyq agrobıznes lıderleri Qazaqstanǵa ınvestıtsııa salady

«Qazaq Geography» Qazaqstannyń tarıhy men mádenıetin zerdeleý, ekotýrızmdi damytý jáne Qazaqstan halqynyń rýhanı qundylyqtarynyń tutastyǵy men jańarýyn saqtaýǵa baǵyttalǵan basqa da mańyzdy jobalardy iske asyrý boıynsha júıeli jumystar júrgizýde», - dedi sezdiń ashylý rásiminde QazaqGeography tóraǵasy Asqar Mamın.

Ol QazaqGeography birlestiginiń tanymaldylyǵy men onyń óńirlik ókildikteriniń belsendiligi artyp kele jatqanyn atap ótti.

«Ortaq iske kóptegen adamdar, naǵyz kásip ıeleri jumyldy. Ásirese, jastardy bul salaǵa tartý asa mańyzdy. Bizdiń jerimizdiń geografııasy men tarıhyn bilý árbir qazaqstandyqtyń basty qyzyǵýshylyǵyna aınalýy tıis», - dedi A. Mamın.

Shara qatysýshylary QazaqGeography Jarǵysynyń jańa redaktsııasyn bekitti, onda birlestiktiń qyzmet túrlerin, sondaı-aq onyń Qazaqstannyń barlyq óńirlerindegi ókilettilikterin arttyrý qarastyrylady. Sonymen birge, QazaqGeography sezin uıymdastyrý jáne ótkizý tártibi, birlestik músheleri men músheligine kirý tártibi, QazaqGeography tóraǵasy týraly erejeler qabyldandy.

QazaqGeography Qamqorlyq keńesiniń tóraǵasy bolyp Kárim Másimov, Basqarý keńesiniń tóraǵasy bolyp Orman Nurbaev, Medıa keńes tóraǵasy bolyp Dáýren Abaev saılandy.

Sezde QazaqGeography birlestiginiń óńirlik ókildikterin Almaty, Atyraý, Jambyl, Qyzylorda, Túrkistan oblystarynda, Shymkent qalasynda ashý týraly sheshim qabyldandy, bul elimizdiń barlyq óńirlerin birlestikpen qamtýdy qamtamasyz etedi.

2019 jyldyń esebi men 2020 jylǵa arnalǵan josparlar týraly QazaqGeography birlestiginiń basqarma tóraǵasy Jańa Rústem aıtyp berdi.

QazaqGeography birlestigin damytýǵa belsene qatysqany jáne oǵan qosqan úlesi úshin birlestiktiń birqatar músheleri men seriktesteri maqtaý qaǵazdarymen jáne estelik kádesyılarmen marapattaldy.

Sezd jumysyna QazaqGeography Qamqorlyq keńesiniń músheleri, Birlestiktiń óńirlik ókildikteriniń basshylary, Úkimet músheleri, «Kazakh Tourism» UK AQ basshylyǵy, BUU DB, Qazaqstandyq bıoalýandyqty saqtaý qaýymdastyǵynyń ókilderi, bıznesmender qatysty.

Sezd aıasynda «As - arqaý» fotokórmesi usynylyp, etnograf Aıgerim Musaǵajınovanyń «Qazaqy as: dástúr men dám» atty kitaby tanystyryldy.

«QazaqGeography» RQB 2013 jyly 16 qazanda qurylǵan, 900-den asa múshesi men 50-den asa seriktes uıymdy biriktiredi. Ótken jyldary QazaqGeography 17 ekspedıtsııa, 15-ten astam konferentsııa, forýmdar men festıvalder uıymdastyrdy, 16 kitap, fotoalbom, jol nusqaýlyqtary men kartalar shyǵaryldy, 70-ten asa bilim berý, tabıǵatty qorǵaý jáne ekotýrıstik jobalar iske asyryldy.

2019 jyly Birlestik Nazarbayev University-men birge jyl saıynǵy «Aral-2019» ǵylymı ekspedıtsııasyn, al «Kazakh Tourism» UK» AQ-men birge «Kıeli Qazaqstan» salt attylar ekspedıtsııasyn, sondaı-aq Qazaqstan, Qyrǵyzstan men Ózbekstan boıynsha «Jibek joly - dıalog joly» halyqaralyq ekspedıtsııasyn uıymdastyrdy. Bıyl qarasha aıynda QazaqGeographý Azııa geografııalyq qaýymdastyǵy (AGA) men Halyqaralyq geografııa konferentsııasynyń (CCG-2019) sezine Qazaqstannyń ókili retinde qatysty.

Jyl boıy kún saıyn geografııa pániniń muǵalimderi men oqýshylar úshin tanymdyq ekskýrsııalar, ǵalymdardyń, geografııa, ekologııa jáne shektes pánder boıynsha saıahatshylar men fotograftardyń sheberlik klastary men dáristeri, oıyn túrindegi kvest-ekspedıtsııalar, geografııadan olımpıadaǵa daıyndyq júrgizildi.

Qazaqstannyń Reseıdegi aptalyǵy aıasynda «Pavlodar oblysynyń jándikteriniń makrofotografııalary», «Meniń Qazaqstanym» jáne «Eń ǵajaıyp el», «Geografııa – mádenı perspektıva jelisi», «Qyzǵylt qarshaqazdyń ushý joly» kórmeleri uıymdastyryldy, bul sharalardy 4 myńnan astam adam tamashalady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT