+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Elordada Prezıdent Joldaýynyń alǵashqy nátıjeleri týraly aıtyldy

2019 jylǵy 9 jeltoqsan 11:50
Bólisińiz:
Elordada Prezıdent Joldaýynyń alǵashqy nátıjeleri týraly aıtyldy

NUR-SULTAN. QazAqparat - Prezıdent Qasym-Jomart Toqaevtyń Qazaqstan halqyna Joldaýynyń alǵashqy nátıjeleri baıandaldy, dep habarlaıdy QazAqparat tilshisi.

«Syndarly qoǵamdyq dıalog - Qazaqstannyń turaqtylyǵy men órkendeýiniń negizi» atty Prezıdent Joldaýyn iske asyrý máseleleri týraly ǵylymı-praktıkalyq konferentsııa uıymdastyryldy.

«Saıası turaqtylyq, ulttyq qaýipsizdik jáne el azamattary aldyndaǵy bıliktiń jaýapkershiligin arttyrý Memleket basshysy saıasatynyń negizgi baǵyttary bolyp sanalady. Prezıdent usynǵan «Halyq únine qulaq asatyn memleket» tujyrymdamasy azamattardyń barlyq syndarly saýaldaryna jedel jáne tıimdi jaýap beretin bılik pen qoǵamnyń turaqty dıalogyn qurý negizinde jatyr», - dedi QR Prezıdenti Ákimshiligi basshysynyń birinshi orynbasary Darhan Káletaev ǵylymı-praktıkalyq konferentsııanyń ashylýynda.

Óz kezeginde QR Ulttyq ekonomıka mınıstri Rýslan Dálenov Prezıdent Joldaýynda aıtylǵan tapsyrmalardy júzege asyrýda úlken jumystar atqarylǵanyn jetkizdi. Atap aıtqanda, ekonomıkalyq qorytyndylar, kásipkerlikti qoldaý, óńirlerdi damytý, azamattardyń qatysýyn keńeıtý, bıýdjettiń fıskaldyq turaqtylyǵy salasynda ilgerileýshilik bar. Sondaı-aq, bıyl Memleket basshysynyń Joldaýynda aıtylǵan tapsyrmalarda kórinis tapqan 5 jylǵa arnalǵan jańa memlekettik baǵdarlamalar ázirlendi.

«Bıyl Qazaqstan ekonomıkasy jqsy nátıjeler kórsetip otyr. Bizde ekonomıkanyń ósýi bar. JІÓ ósimi maýsym aıynda 2,9%-dan 4,1%-ǵa deıin jyldamdady, al 10 aıdyń qorytyndysy boıynsha ósim 4,4%-dy qurady. Ekonomıkalyq belsendiliktiń artýy kóbinese shıkizattyq emes sektor óndirisi kóleminiń ulǵaıýymen negizdeledi. Onyń JІÓ ósýindegi úlesi 4,4%-dan 3,8 protsenttik tarmaqty qurady. Eki tańbaly ósim jeńil ónerkásipte (+18,9%) jáne farmatsevtıkada (+15,2%), sondaı-aq mashına jasaýda (+18,8%) baıqalady», - dedi mınıstr.

Jalpy óndiristik belsendilik eńbek naryǵynyń kórsetkishterine oń áser etti. Bıylǵy qazan aıynda jumyssyzdyq deńgeıi 4,8%-ti qurady. Halyqtyń naqty tabysy ósýde.

«2019 jyldyń 9 aı qorytyndysy boıynsha ósim 6,4%-dy qurady. Inflıatsııa bıylǵy qarashada aıynda 5,4%-ti qurady. Jalpy taýar aınalymy 70,4 mlrd teńgeni qurady. Aǵymdaǵy jyldyń qańtar-qyrkúıek aılarynda saýda teńgerimi $15 mıllıardtan asty. Eksport kólemi $42,7 mıllıardty, al ımport $27,6 mıllıardty qurady», - dedi Rýslan Dálenov.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT