Elordada Prezıdent kýbogy úshin tennısten halyqaralyq týrnırler ótedi
2022 jylǵy 3 shilde 21:00

Elordada Prezıdent kýbogy úshin tennısten halyqaralyq týrnırler ótedi

NUR-SULTAN. QazAqparat – 17-24 shilde aralyǵynda «Prezıdent kýbogy – 2022» aıasynda Ulttyq tennıs ortalyǵynyń jazǵy korttarynda ATP Challenger Tour jáne ITF Women's World Tennis Tour serııasy boıynsha halyqaralyq týrnırler ótedi, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, bıylǵy dodada el namysyn ulttyq jáne jastar quramasynyń onnan astam músheleri qorǵaıdy.

Olardyń arasynda Mıhaıl Kýkýshkın, Dmıtrıı Popko, Tımofeı Skatov, Beıbit Jýkaev, Denıs Evseev, Grıgorıı Lomakın, Maksım Batıýtenko, Gózal Aınıtdınova, Jibek Qulambaeva, Arýjan Saǵyndyqova, Sandýǵash Kenjebaeva jáne basqalar bar.

Bul jarystardyń mártebesi qashanda joǵary bolyp keldi. Mysaly, kezinde munda álemde úzdikter qataryna enetin Danııl Medvedev (ATP №1), Andreı Rýblev (ATP №8), Karen Hachanov (ATP №22), Mıomır Ketsmanovıch (ATP № 30), Sebastıan Korda (ATP № 46), Maks Persell sııaqty tennısshiler óner kórsetti.

Prezıdent kýbogy kóptegen oıynshylardyń jolyn ashty.

Elimiz táýelsizdik alǵan 1991 jyldan beri ótkizilip kele jatqan týrnır 2007 jyly halyqaralyq mártebege ıe boldy.

Eske sala keteıik, budan buryn Aleksandr Býblıktiń Ýımbldon týrnıriniń úshinshi aınalymyna shyqqanyn , qazaqstandyq tennısshiniń jarysty sátti bastaǵanyn jazǵan bolatynbyz.

Sondaı-aq Ýımbldon jasóspirimder týrnırinde taǵy bir qazaqstandyq tennısshi óner kórsetedi.


Uqsas jańalyqtar

Jańalyqtar

Úrdis

MURAǴAT