Elordada polıtseıler daýys kúsheıtkish quraldar arqyly habarlama jasaıdy

NUR-SULTAN. QazAqparat – Elordalyq polıtsııa qyzmetkerleri daýys zoraıtqysh quraldar arqyly turǵyndarǵa karantındik saqtyq sharalary týraly eskertedi, dep habarlaıdy QazAqparat qalalyq Polıtsııa departamentine silteme jasap.

Uqsas jańalyqtar

Eljan Birtanov koronavırýstan aıyqqan naýqastar qalaı emdelgenin aıtty

Koronavırýstan kóz jumǵan áıelge qatysty tekserý júrgizilip, bas dáriger jazalandy Elimizde jasandy ventılıatsııa apparaty jetkilikti me Birtanov «Meıirim» emhanasynda koronavırýs juqtyrǵan medpersonalǵa qatysty pikir bildirdi

Іshki ister organdarynyń qyzmetkerleri elimizdegi tótenshe jaǵdaı men qaladaǵy karantınge baılanysty aıryqsha rejımde qyzmet etýde. Qoǵamdyq tártip pen strategııalyq nysandardy qorǵaýdy kúsheıtip, polıtsııa jasaqtarynyń sany kóbeıtildi.

Sonymen birge, kóshelerdi patrýldeý jumystary jalǵasýda. Polıtsııa kólikteri daýys zoraıtqyshtarymen jabdyqtalǵan jáne olardy halyq arasynda túsindirý jumystaryn júrgizý úshin paıdalaný týraly sheshim qabyldandy.

Qazaq jáne orys tilderinde qaıtalanatyn aýdıojazbalarda tómendegideı aqparat aıtylady:

«Qurmetti elorda turǵyndary! Nur-Sultan qalasy aýmaǵynda koronavırýstyq ınfektsııa karantınine baılanysty barlyq turǵyndar kelesi shekteý sharalaryn saqtaýy kerek:

• Asa qajettilik bolmasa turǵyn úıden shyqpańyz.

• Adamdar kóp jınalatyn oryndarǵa – bankterge, dárihanalarǵa, dúken men medıtsınalyq mekemelerge barǵanda, qoǵamdyq kólikke mingende betperde kıińiz.

• Túshkirý nemese jótelý kezinde muryn men aýyzdy bir rettik súlgimen jabyńyz.

• Qoldy sabynmen jýyńyz nemese spırttik antıseptık jaǵyńyz.

• Qoǵamdyq oryndarda eń kemi 1,5-2 metr qashyqtyqty saqtańyz.

• Qol almasyp amandaspańyz.