USD 434.34 EUR 491.93
RUB 5.56 CNY 68.67
Jańalyqtar

Elordada Parıj kelisiminiń maqsattaryna qol jetkizý joldary týraly halyqaralyq konferentsııa bastaldy

2021 jylǵy 13 qazan 17:11
Bólisińiz:
Elordada Parıj kelisiminiń maqsattaryna qol jetkizý joldary týraly halyqaralyq konferentsııa bastaldy

NUR-SULTAN. QazAqparat – «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferentsııa bastaldy, dep habarlaıdy QazAqparat tilshisi.

Sharaǵa QR Prezıdenti Qasym-Jomart Toqaev, QR ekologııa, geologııa jáne tabıǵı resýrstar mınıstri Serikqalı Brekeshev, sondaı-aq BUU-nyń joǵary laýazymdy tulǵalary, halyqaralyq sarapshylar, isker toptar men azamattyq qoǵam ókilderi qatysyp jatyr.

2020 jylǵy 12 jeltoqsanda ótken Klımattyq ambıtsııalar sammıtinde Memleket basshysy Qasym-Jomart Toqaev Qazaqstannyń 2060 jylǵa qaraı kómirtegi beıtaraptyǵyna qol jetkizetinin málimdegen bolatyn.

«Qazaqstannyń barsha azamattarynyń atynan búgin klımattyń ózgerýine qarsy kúreske degen bizdiń berik ustanymymyzdy, Parıj kelisimine sáıkes barynsha batyl, maqsatty is-qımyl jasaýǵa degen nıetimizdi rastaǵym keledi. Osy rýhta biz 2060 jylǵa qaraı kómirtegi beıtaraptyǵyna qol jetkizýge mindettenemiz», - dep málimdedi sol kezde Memleket basshysy.

Halyqaralyq konferentsııanyń maqsaty –Qazaqstannyń 2060 jylǵa qaraı kómirtegi beıtaraptyǵyna qol jetkizýi jónindegi paıymyn tanystyrý; kómirtegiden beıtarap qoǵamdy qaıta qurý arqyly ashylatyn ekonomıkalyq jáne áleýmettik múmkindikterdi, ınfraqurylym men tehnologııalardaǵy karbonızdandyrý jáne qaıta qurýdyń qajetti saıasatyn jurtshylyqtyń nazaryna jetkizý; aýqymda kóshý úshin qarjy qarajatyn jumyldyrýdyń negizgi rólin talqylaý.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT