+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Elordada ótken forýmda BAQ salasyndaǵy problemalar týraly aıtyldy

2019 jylǵy 13 qarasha 16:01
Bólisińiz:
Elordada ótken forýmda BAQ salasyndaǵy problemalar týraly aıtyldy

NUR-SULTAN. QazAqparat – Elordada «BAQ jáne qoǵamdyq kelisim» forýmyn ótkizip jatyr. Oǵan sheteldik jáne otandyq BAQ ókilderi qatysýda, dep habarlaıdy QazAqparat tilshisi.

Qazaqstan halqy Assembleıasy uıymdastyrǵan forýmǵa Túrkııa, Ázerbaıjan, Ózbekstan sholýshylar men halyqaralyq sarapshylar keldi.

Jıyndy bastamas buryn Janseıit Túımebaev Qazaqstan halqy Assambleıasy Jýrnalıster klýbynyń jańa tóraǵasymen tanystyrdy. Qoǵamdyq negizdegi bul jumysty budan bylaı «Kazakh TV» arnasynyń dırektory Maııa Bekbaeva atqaratyn boldy.

«Elbasy Nursultan Nazarbaevtyń Assambleıanyń qyzmetin turaqty túrde aqparattyq qoldaý týraly arnaıy tapsyrmasy bar. Prezıdent Qasym-Jomart Toqaev óz Joldaýynda áleýmettik jáne etnıkalyq toptar arasyndaǵy kelisimdi nyǵaıtý týraly tapsyrma bergen bolatyn. Osy oraıda otandyq jýrnalıstıka úshin qoǵamdyq kelisimdi damytý, arandatýshy aqparattarǵa qarsy ımmýnıtetti qalyptastyrý jáne qoǵam birligin saqtaý taqyryptary óte mańyzdy», - dedi Janseıit Túımebaev.


Onyń aıtýynsha, memlekettik tildiń mártebesin kóterý máselesinde de qolyna qalam ustaǵan BAQ ókilderiniń atqaratyn róli aıryqsha.

«Budan bólek, aldaǵy jyly Qazaqstan jurtshylyǵyn mereıli datalar kútip tur: Assambleıanyń 25 jyldyǵy, hakim Abaı Qunanbaıulynyń 175 jyldyǵy, Ábý Nasyr Ál-Farabıdiń 1150 jyldyǵy. Osyndaı aıtýly sharalar kósemsóz sheberleriniń muqııat nazarynda bolady degen senimdemin», - dedi ol.

Sózin sabaqtaı kele QHA Tóraǵasynyń orynbasary BAQ-taǵy qazir negatıvızm men saıası oqıǵalardyń talqylanyp ketýin – problemalyq tendentsııa ekenin atap ótti.

«Ekrandarda kúndiz-túni qylmystyq, tehnogendik oqıǵalar, tabıǵat apattary kórsetile beredi. Keıbir BAQ saıası málimdemelerdi bererde negatıvızmdi aıaýsyz paıdalanady. Onyń aqyry azamattyq nıgızızm týǵyzady. Baspasóz ben pozıtıvti kontent – ózara qarym-qatynastyń, beıbitshilikti saqtaýdyń mehanızmi ekenin umytpaý kerek.

Sondaı-aq, áleýmettik jelilerde «jaýlyq til» qatty órship tur. Zulymdyq dıskýrsy – syrtqy ekstremıstik kúshterdiń aqparattyq «qarýy» ispetti. Kóbinese olar etnosaralyq jáne konfessııaaralyq qatynasqa shabýyl jasaıdy. Sóz erkindigi zamanynda jaýlyq sıpatty qalaı aýyzdyqtaýǵa bolady.

Máselen, 2017 jyly Germanııa «Feısbýk týraly zań» qabyldady. Ol zań boıynsha áleýmettik jeli ákimshilerine aıyppul da salynady. Biraq, másele áli sheshimin tabatyn emes», - dedi ol.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT