+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Elordada ótetin Aqmola oblysynyń jármeńkesine qus ónimderi jetkizilmeıdi

2020 jylǵy 22 qyrkúıek 17:00
Bólisińiz:
Elordada ótetin Aqmola oblysynyń jármeńkesine qus ónimderi jetkizilmeıdi

KÓKShETAÝ. QazAqparat – Qus tumaýynyń taralýyna baılanysty Nur-Sultan qalasynda ótetin Aqmola oblysynyń aýylsharýashylyq jármeńkesine qus jáne qus ónimderi aparylmaıdy, dep habarlaıdy QazAqparat tilshisi.

Uqsas jańalyqtar

Aqmola oblystyq Veterınarııa basqarmasy basshysynyń orynbasary Talǵat Júnisovtiń aıtýynsha, qus tumaýyna baılanysty qazirgi kezde Jarqaıyń aýdanynyń Shoıyndykól aýlyna shekteý sharalary engizildi. Taǵy birneshe aýdanda úı qusynyń qyrylǵany anyqtaldy.

Osy oraıda, vedomstvo 26, 27 qyrkúıek kúni astanada ótetin jármeńkege qus eti men jumyrtqa aparýǵa tyıym saldy.

«Taǵy bes aýdan – Atbasar, Astrahan, Egindikól, Bulandy jáne Zerendi aýdandarynda biraz qustyń ólýi tirkeldi. Biz patologııalyq materıal alyp, zerthanaǵa jiberdik. Onyń qorytyndysy 2-3 kún ishinde daıyn bolady. Taǵy karantındik beketter ashylýy múmkin. Bul, kirip-shyǵýǵa, qus sharýashylyǵy ónimderin ǵana emes, ózge ónimderdi tasymaldaýǵa tolyq tyıym salýdy bildiredi», - dep túsindirdi T. Júnisov QazAqparat tilshisine.

Onyń aıtýynsha, qus tumaýynyń vırýsy Aqmola óńirine jáne kórshi Soltústik Qazaqstan oblysyna Reseıdiń Omby oblysynan keldi. Іndetti taratýshy – jabaı sý qustary. Olardyń boıynda aýrý jeńil ótip, kóbine klınıkalyq belgileri bilinbeıdi. Al úı qustary tez qabyldaıdy. Qus tumaýy óńirde kóktem jáne kúzgi merzimde baıqalady.

Aqmola oblystyq Veterınarııa basqarmasynyń basshysy Bazarbaı Bulashev málim etkendeı, búginde 510 myń doza vaktsınaǵa tapsyrys berildi.

«Olar erteń túsýi tıis. Biz shekardaǵy Soltústik Qazaqstan jáne Qostanaı oblystarynda qustarǵa ekpe salamyz», - deıdi ol.

Elimizde qus tamýynyń taralýyna baılanysty Aqmola oblysy aýmaǵynda keshendi sharalar qolǵa alynǵan bolatyn.

QR Aýyl sharýashylyǵy mınıstrliginiń málimetine sáıkes, Qazaqstanda qus tumaýy 5 óńir aýmaǵynda tirkelip otyr.

Vıtse-mınıstr Gúlmıra Isaeva qus tumaýynyń el aýmaǵynda órshý sebebin, sharýa ıelerine ótemaqy tóleý sharttaryn túsindirdi.

Sondaı-aq indettiń adamǵa qaýpi bar-joǵyn aıtyp berdi.



Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT