+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Elordada múmkindigi shekteýli jandarǵa qandaı kómek kórsetiledi

2019 jylǵy 12 qazan 13:28
Bólisińiz:
Elordada múmkindigi shekteýli jandarǵa qandaı kómek kórsetiledi

NUR-SULTAN. QazAqparat - Qazan aıynyń ekinshi jeksebisinde Qazaqstanda múgedekter kúni atalyp ótedi. Bıyl bul kún 13 qazanǵa sáıkes kelip otyr, dep habarlaıdy QazAqparat.

Nur-Sultan ákimdiginiń aqparatyna sáıkes, búgingi kúni qalada múmkindigi shekteýli 25 719 jan turady. Olardyń 2689-y birinshi toptaǵy, 9112-i ekinshi toptaǵy, 8602 toptaǵy múgedekter. Erekshe qajettilikke muqtaj 5316 bala bar.

«Olardyń barlyǵy elordada birqatar qyzmetterdi alyp turady. Máselen, 2019 jyldyń basynan beri 14 myń adam 1,2 mlrd teńgege ońaltý qyzmetterimen qamtyldy. Jyl saıyn bul qyzmetterdi 16 myń adam alyp turady. Múmkindigi shekteýli azamattar, onyń ishinde múgedek balalar protezdik-ortopedııalyq kómekpen jáne protezdik-ortopedııalyq quraldarmen, arba, sýrdo-tıflo jabdyqtarmen, sýrdokómekpen, jeke kómekshiniń, mindetti gıgıenalyq quraldarmen qamtylady. Budan bólek, múgedek bala tárbıelep otyrǵan otbasylar áleýmettik kómekpen, úıde bilim alatyndarǵa kómek, ınvataksı qyzmetimen qamtamasyz etiledi», - dedi vedomstvodan.

Búgingi kúni Invataksı qyzmetinde kún saıyn 30 kólik jumys isteıdi, onyń 5-eýi arbaǵa tanylǵan jandarǵa, 15-i múmkindigi shekteýli balalarǵa jáne 10-y kózi kórmeıtinder jandarǵa arnalǵan.

«2019 jyly 1937 adam qamtyldy, onyń ishinde 775 bala bar. Buǵan qosa, atalǵan top elordada statsıonarda, jartylaı statsıonarda jáne úıde arnaıy áleýmettik qyzmet alady. Múmkindigi shekteýli azamattar «1 jáne 2 toptaǵy múgedek sanaty boıynsha» turǵyn úı kezegine turyp, qoǵamdyq kólikterde tegin qatynap, tegin sanatsııa men tis protezdeý protsedýralaryn paıdalana alady. Jeke (jer) úıde turatyn jáne jylýdy pesh jaǵý arqyly alatyn múgedekter jylytý maýsymy kezinde kómir satyp alýǵa 16 AEK nemese 40400 teńge áleýmettik kómek ala alady. Sondaı-aq ómirde qıyn jaǵdaıǵa tap bolǵandarǵa medıtsınalyq uıymdarda aqyly qyzmet pen dári-dármek alýǵa jylyna 13 AEK esebinde (32 825 teńge) bir rettik kómek beriledi. Ár toqsan saıyn 10 AEK (25250 teńge) úıden bilim alatyn múgedek balalardyń oqýyna jumsalatyn qarjy óteledi. Múgedektik boıynsha járdemaqy týraly aıtar bolsaq, atalǵan sanat respýblıkalyq bıýdjetten: 1 top – 57 021 teńge, 2 top – 45 438 teńge, 3 top - 30 886 teńge, 16 jasqa deıingi múgedek balalar – 41 578 teńge, bala kúninen múgedekter, 16-18 jas aralyǵyndaǵy múgedek balalar: 1 top – 57 021 teńge, 2 top – 47 220 teńge, 3 top – 35638 teńge. Arnaıy memlekettik járdemaqy qarastyrylǵan: 1 top – 3 763 teńge, 2 top – 3763 teńge, 3 top – 1616 teńge», - dedi elorda ákimdiginen.

Sondaı-aq múmkindigi shekteýli azamattardy belsendi jumysqa ornalastyrý jumystary júrgizilip keledi. Bıyl 610 adam atalǵan jumyspen qamtylady dep josparlanyp otyr. Jyl basynan beri múmkindigi shekteýli 539 tulǵa jumyspen qamtyldy, onyń 217-i turaqty jumysqa, 3-eýi ýaqytsha, 29 adam áleýmettik oryndarǵa ornalastyrylyp, 242 qoǵamdyq jumysqa baǵyttalyp, 16 túlek jastar praktıkasy boıynsha tájirıbeden ótýde jáne 32 adam qysqa merzimdi oqý kýrsyna joldama aldy. Halyqtyń bul tobyna dene shynyqtyryp, sportpen shuǵyldanýy úshin bilikti mamandary bar eki birdeı zanaýı sport kesheni salyndy. Onyń birinshisi – Paralımpıadalyq jattyǵý ortalyǵy, onyń ishinde jattyǵý zaly, kópsalaly oıyn jáne jekpe-jek alańy bar. Onda parapaýerlıftıng, paradzıýdo, parataekvondo, ústel tennısi, nulttyq sport túrleri, otyryp voleıbol oınaý, golbol, bochcha, arbamen bı bıleý zaldary bar. Ekinshi nysan – «Tarlan» muz arenasy. Munda hokkeı, sledj-hokkeıden qalalyq komandalar jattyǵady jáne múgedekter men olardyń jaqyndarna arnap jappaı syrǵanaý uıymdastyrylady. Eske sala keteıik, Múgedekter kúnine oraı, elordanyń múmkindigi shekteýli azamattary 2,5 AEK (6313 teńge) bir rettik áleýmettik kómekke ıe bolady. Bıyl bul data 13 qazanǵa kelip tur.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT