Elordada memlekettik rámizder kúnine oraı uıymdastyrylǵan avtosherý bastaldy

NUR-SULTAN. QazAqparat - Elordada memlekettik rámizder merekesine oraı uıymdastyrylǵan saltanatty avtosherý bastaldy, dep habarlaıdy QazAqparat tilshisi.

Uqsas jańalyqtar

Burynǵy áıeliniń mazasyn alǵany úshin 300 saǵattyq qoǵamdyq jumysqa jegildi – ShQO

Atyraý oblysynda sybaılas jemqorlyq deńgeıi tómendedi Olımpıadaǵa irikteý: Sý dobynan Qazaqstan áıelder quramasy Nıderlandydan jeńildi ShQO-da úzdik tergeýshi men anyqtaýshy marapattaldy

«Búgin memlekettik rámizderimizge 28 jyl tolyp otyr. Osynaý merekege oraı saltanatty avtosherý ótkizýdi jón kórdik. Bul sharanyń basty maqsaty - ulttyq qundylyqtarymyzǵa balaıtyn rámizderimizge degen súıispenshilik sezimdi oıatý. Ol birneshe kezeńnen turady. Alǵashy kezeńde 28 avtomobıl men 28 mototsıkldiń qatysýymen 28 shaqyrymdyq sherý bolady», - dedi sherý bastalar aldynda BAQ ókilderine suhbat bergen Nur-Sultan qalalyq jastar máseleleri basqarmasynyń «Astana jastary» KMM basshysynyń orynbasary Aıan Ermentaev.

Onyń atap ótýinshe, ekinshi kezeńde sherýge qatysýshylar Ekinshi dúnıejúzilik soǵystaǵy Jeńistiń 75 jyldyq mereıtoıyna oraı «Otan qorǵaýshylar» alańyna barady. Onda volonterler maıdangerlerimizdiń erligine taǵzym retinde 75 gúl shoǵyn qoıady.

«Úshinshi kezeńde sýda júzetin kólik quraldarymen 28 shaqyrymdyq sherý ótkizemiz. Jalpy, bul sharamyzǵa 100-ge jýyq qala turǵyny men eriktiler qatysyp otyr. Bul sharalar legi keshke deıin jalǵasady. Munan bólek, qalanyń barlyq saıabaqtarynda nıet tanytqan adamdardyń betterine elimizdiń kók týyn salyp berý sharasy ótkiziledi», - dedi Aıan Ermentaev.

Aıta keteıik, sherýge qatysýshylardyń barlyǵy qajetti qorǵanys quraldarymen qamtamasyz etilgen jáne olarǵa karantın rejımi erejelerin saqtaý boıynsha nusqaýlyq berilgen.