+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Elordada mashına jasaý salasyndaǵy kásibı standarttardy ázirleý máseleleri qaraldy

2019 jylǵy 23 qazan 19:19
Bólisińiz:
Elordada mashına jasaý salasyndaǵy kásibı standarttardy ázirleý máseleleri qaraldy

NUR-SULTAN. QazAqparat – Búgin elordada Ulttyq biliktilik keńesiniń «Mashına jasaý jáne metall óńdeý» salasyndaǵy kásibı standarttardy ázirleý boıynsha kóshpeli otyrysy ótti, dep habarlaıdy QazAqparat tilshisi.

Úkimet basshysynyń orynbasary Berdibek Saparbaev Ulttyq keńestiń basty mindeti eńbek naryǵy men oqytý júıesi arasyndaǵy baılanysty kúsheıtetin Ulttyq biliktilik júıesin damytý ekendigin aıta kele: «Osy jyldyń aıaǵyna deıin ekonomıkanyń basym sektorlary boıynsha 36 salalyq biliktilik sheńberi men 480 kásibı standartty damytý basym mindet bolyp belgilendi», - dedi.

Óz kezeginde Indýstrııa jáne ınfraqurylymdyq damý vıtse-mınıstri Amanııaz Erjanov is-sharaǵa qatysýshylardy «Mashına jasaý jáne metall óńdeý» salasyndaǵy kásibı standarttardy ázirleý barysy týraly habardar etti.

«Eńbek jáne halyqty áleýmettik qorǵaý mınıstrligi Dúnıejúzilik banktiń tehnıkalyq jáne qarjylyq qoldaýymen iske asyratyn Eńbek daǵdylaryn damytý jáne jumysqa yntalandyrý jobasy aıasynda aǵymdaǵy jyldyń 26 sáýirinde Qazaqstandyq mashına jasaý odaǵy «Mashına jasaý jáne metall óńdeý» salasynda 2 salalyq biliktilik sheńberi men 26 kásibı standart ázirleý týraly kelisimshartqa qol qoıdy. Salaǵa aýqymdy taldaý jasaldy. Memlekettik organdar, «Atameken» UKP, salalyq birlestikter, kásiporyndar men oqý oryndary ókilderiniń qatysýymen «Mashına jasaý» jáne «Metall óńdeý» salalyq biliktilik sheńberi ázirlendi. Olar Indýstrııa jáne ınfraqurylymdyq damý mınıstrligi janyndaǵy Mashına jasaý salasyndaǵy áleýmettik áriptestik jáne áleýmettik-eńbek qatynastaryn retteý jónindegi salalyq komıssııanyń otyrysynda maquldandy», – dedi vıtse-mınıstr.

Osy oraıda A. Erjanov joǵaryda atalǵan komıssııa mashına jasaý jáne metall óńdeý salasyndaǵy kásibı standarttardyń sanyn 26-dan 46-ǵa deıin arttyrýdy usynǵanyn aıtty.

Berdibek Saparbaev ázirlengen kásibı standartardyń negizinde Bilim jáne ǵylym mınıstrligi tıisti oqý baǵdarlamalaryn ázirleýi tıistigin atap ótti.

«Osy kásibı standarttar negizinde Bilim mınıstrligi qajetti oqý baǵdarlamalaryn, oqý josparlaryn, bul mamandyqtarǵa talaptardy daıyndaýy tıis. 2020-2021 oqý jylynan bastap osy mamandyqtardy daıyndaý úshin qadamdar jasalýy qajet. Sondyqtan bul baǵyttaǵy mańyzdy sharalardy iske asyrý kerek», - dedi Úkimet basshysynyń orynbasary.

Keńesti qorytyndylaı kele, Berdibek Saparbaev kásibı standarttardy ázirleýshilerge daıyndalyp jatqan osy kásibı standarttarda kásipterdiń qaıtalanýyna jol bermeýdi júktedi.

Sonymen qatar, bıylǵy 8 qarashaǵa deıin jumys berýshilermen jáne bilim berý mekemelerimen kelisilgen daıyn kásibı standarttardy memlekettik organnyń salalyq komıssııasynyń qaraýyna shyǵarǵanǵa deıin «Ernst & Young» kompanııasyna saraptamaǵa usyný qajettigi tapsyryldy.

Bizdiń kanalymyzǵa jazylyńyz:

Basty sózder: QR Úkimeti,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT