+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Elordada lıngvısterdi daıarlaý máselesi talqylandy

2020 jylǵy 30 qarasha 23:36
Bólisińiz:
Elordada lıngvısterdi daıarlaý máselesi talqylandy

NUR-SULTAN. QazAqparat - Elordada til bilimi mamandary men jumys berýshiler Konsýltatıvti keńeste jınalyp, qostildi bilim berýdi damytýdyń joldaryn talqylady.

Uqsas jańalyqtar
Qyzylordalyq oqýshy qala kóshesin jaryqtandyrýdyń tıimdi tásilin tapty Qostanaı oblysynda 5-11 synyp oqýshylary qashyqtan bilim alady Almaty oblysynda qashyqtan oqyǵan 300 oqýshydan koronavırýs anyqtaldy

Uıymdastyrýshylardyń aıtýynsha, Qazaqstanda qazaq-aǵylshyn tilderin birdeı deńgeıde biletin kásibı lıngvısterdiń joqtyǵy - ózekti máselelerdiń biri.

Kezdesý barysynda qazaq tilin halyqaralyq qatynastarda qoldanýdyń joldary men«Qazaq-aǵylshyn tili jáne lıngvıstıka» baǵdarlamasynyń traektorııasy talqylandy. Atalǵan baǵdarlama qazaq jáne aǵylshyn tilderi boıynsha qostildi mamandardy daıarlaýǵa baǵyttalǵan.

«Qazaqstandaǵy joǵary oqý oryndarynyń arasynda alǵash bolyp «Qazaq-aǵylshyn tili jáne lıngvıstıka» baǵdarlamasy boıynsha mamandardy daıarlaýdy bizdiń ýnıversıtet bastady. Biz stýdentterge aǵylshyn tilin basynan bastap úıretemiz. Qazaq jáne aǵylshyn tildi joǵary kásibı lıngvısterdi daıarlap, stýdentterdi qazaq tilinen aǵylshyn tiline, aǵylshyn tilinen qazaq tiline tikeleı aýdarýǵa úıretemiz. Sondaı-aq baǵdarlama túlekteri medıa salasynda da jumys isteı alady», - deıdi «Qazaq-aǵylshyn tili jáne lıngvıstıka» baǵdarlamasynyń jetekshisi Aqerke Salımova.

Jıynǵa A. Baıtursynov atyndaǵy Til bilimi ınstıtýtynyń basshysy, Ulttyq testileý ortalyǵy, «Til-Qazyna» ulttyq ǵylymı-praktıkalyq ortalyǵy, «Egemen Qazaqstan» gazeti, Memlekettik tildi damytý qory syndy birqatar kompanııalardyń ókilderi qatysty.

«KAZGıÝÝ Ýnıversıtetiniń Konsýltatıvtik Keńesinde seriktester stýdentterdiń is-tájirıbeden ótý múmkindikteri men baǵdarlamanyń eńbek naryǵyndaǵy qajettiligin atap ótti. Qatysýshylar «Medıalıngvıstıka», «Til jáne aýdarma» maınorlarynyń biregeıligin kórsetetin jańa pánderdi engizýdi usyndy»,-delingen ýnıversıtettiń baspasóz-baıanynda.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT