+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Elordada «Kúı anasy – Dına» atty entsıklopedııalyq jınaq tanystyryldy

2021 jylǵy 5 shilde 00:10
Bólisińiz:
Elordada «Kúı anasy – Dına» atty entsıklopedııalyq jınaq tanystyryldy

NUR-SULTAN. QazAqparat – Elordadaǵy Dostyq úıinde áıgili kúıshi, halyq kompozıtory, Qazaqstannyń halyq ártisi Dına Nurpeıisovanyń ómiri men shyǵarmashylyq jolyna arnalǵan «Kúı anasy – Dına» atty entsıklopedııalyq jınaqtyń tanystyrylymy ótti, dep habarlaıdy QazAqparat tilshisi.

Ulttyq dombyra kúnine sáıkes ótip otyrǵan sharaǵa qoǵam qaıratkerleri, dombyrashylar jáne dınatanýshy ǵalymdar qatysty.

Almatydaǵy «Arys» baspasy jaryqqa shyǵarǵan, 23,5 baspa tabaq kitap negizgi úsh bólimnen turady. Onda kúıshiniń ómir joly týraly tyń derekterdi tabýǵa bolady. Dına Nurpeıisova týraly akademık Ahmet Jubanovtyń zertteý eńbegi engen.

Basqa da zertteýshi ǵalymdardyń ǵylymı maqalalary berilgen. Dına kúıleriniń notalaryn da osy jınaqtan tabýǵa bolady.

Kitaptyń tanystyrylymyn júrgizgen Qazaqstannyń eńbek sińirgen qaıratkeri, QR Ulttyq ǵylym akademııasynyń akademıgi Ýálıhan Qalıjanuly kirispe sózinde jańa jınaqtyń Dına ómirin zertteýshiler úshin baǵa jetpes qundylyǵyn atap ótti.

Osy basqosýda belgili qoǵam qaıratkerleri Sultan Orazalın, Serik Ábdirahmanov, Irak Elekeev, Mádı Artyǵalıev jáne akademıkter Oraq Álıev pen Kárimbek Qurmanálıev sóz sóılep, ǵasyrǵa jýyq ǵumyr keship, halqyna óshpes kúı murasyn qaldyrǵan Dına Nurpeıisovanyń eren eńbegi jóninde óz oılaryn ortaǵa saldy.

Tanymal dombyrashylar Orynbaı Dúısen men Turar Álipbaev jınalǵandar aldynda Dınanyń kúılerin oryndap berdi. Aqyn, jýrnalıst Aıbatyr Seıtaq daryndy óner ıesine arnalǵan óleńin oqydy.

Basqosýdyń áserli sáti dep elorda irgesindegi Qosshy kentinde jańadan ashylǵan mýzyka mektebinde dáris alyp júrgen ónerli baldyrǵandarǵa 10 dombyranyń syıǵa berilgenin aıta ketken jón.

Syrdarııa ýnıversıtetiniń prezıdenti, pedagogıka ǵylymdarynyń doktory, professor Ońalbaı Aıashev D.Nurpeıisovanyń 160 jyldyq mereıtoıyna oraı sheberlerge 10 dombyra jasatyp, daryndy oqýshylarǵa tabys etýin ótingen eken. Mine, sol bastama sátti júzege asty.

Kúıshi týraly syr shertken «Ǵasyr adam» atty derekti fılm kórsetildi.

Dınanyń shóberesi, pedagogıka ǵylymdarynyń kandıdaty, respýblıkalyq «Kúı anasy» qorynyń dırektory, qoǵam qaıratkeri Tólegen Qýanyshev osy ıgilikti sharaǵa atsalysqan barsha otandastaryna rızashylyǵyn bildirdi.

Eske sala keteıik, budan buryn Oralda «Kúı qudireti» respýblıkalyq baıqaýynyń jeńimpazdary marapattalǵanyn jazǵan bolatynbyz.

Sondaı-aq 3 shilde kúni elordada Dına Nurpeıisovanyń kórikti eskertkishi boı kóterdi.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT