+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Elordada Quran oqýdan qarılar baıqaýy bastaldy

2020 jylǵy 21 qazan 10:10
Bólisińiz:
Elordada Quran oqýdan qarılar baıqaýy bastaldy

NUR-SULTAN. QazAqparat – Elordada ІH respýblıkalyq «Quran Kárimdi jatqa jáne mánerlep oqý» qarılar baıqaýy bastaldy, dep habarlaıdy QazAqparat tilshisi.

Eki kúnge jalǵasatyn baıqaýǵa elimizdiń túkpir-túkpirinen 72 úmitker qatysqaly otyr. Aımaqtyq irikteý kezeńderinen oq boıy oza shapqan saıyskerler 4 atalym, ıaǵnı, Quran Kárimniń 10, 20 jáne 30 parasyn jatqa oqý, sondaı-aq, mánerlep oqý boıynsha baq synamaq. Búgingi rásim barysynda úmitkerlerdiń rettik nómiri belgili boldy.

«Qurmetti Quran jarysyna qatysýshy baýyrlarymyz! 30 para, 20 para, 10 para Qurandy jatqa biletinder búgin Alla qalasa jarysqa qatysady. Barshańyzǵa Alla jar bolsyn. Sizderdiń respýblıka kóleminde iriktelip, osy jerge kelýlerińniń ózi – Allanyń bergen úlken dárejesi. Sizder óz óńirlerińizde Quran jarysynan birinshi oryn alyp, osynda keldińizder. Táýbá deýge bolady. Alla sizderge sol jattaǵan Qurandaryńyzdy esterińizden shyqpaı, 30 para Qurandy jatqa bilýge Alla násip etsin. Keshe ǵana bizdiń Qazaqstan Musylmandary dinı basqarmasynyń bir baýyrymyzdyń Qurandy az ýaqyttyń ishinde ǵana jattap alǵan maqalasyn oqyǵanda tańǵaldym. Alla qalaǵan ýaqytynda qalaǵan Qurandy osylaı jattatýtǵa múmkindik beredi eken», - dedi Bas múftı Naýryzbaı qajy Taǵanuly.



Respýblıkalyq «Áziret Sultan» meshitinde ótetin qarılar baıqaýy elimizdegi pandemııaǵa baılanysty saqtyq sharalaryn saqtaı otyryp ótedi jáne jalpy jurtshylyqqa «Hıkmet» stýdııasynyń YouTube-arnasynan, «Halyq Arna» telearnasy, sonymen birge Múftııattyń Instagram-daǵy resmı paraqshasynan tikeleı kórsetilim usynylady.

Bizdiń kanalymyzǵa jazylyńyz:

#Din   #Qoǵam   #Vıdeo  
Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT