+7 (701) 759 90 19
USD 377.29 EUR 418.41
RUB 6.09 CNY 54.66
Jańalyqtar

Elordada «Kúlshe qyz» baletiniń premerasy ótedi

2019 jylǵy 7 jeltoqsan 15:21
Bólisińiz:
Elordada «Kúlshe qyz» baletiniń premerasy ótedi

NUR-SULTAN. QazAqparat - «Astana Balet» sahnasynda «Kúlshe qyz» baletiniń premerasy ótedi, dep habarlaıdy QazAqparat teatrdyń baspasóz qyzmetine silteme jasap.

Uqsas jańalyqtar

Hrýstal týflı kıgen boıjetken jaıly bala kezden tanys ertegige «Astana Balet» sahnasynda jan bitedi. Jeltoqsannyń 20, 21 men 22 kúnderi astanalyq teatr Sharl Perronyń asy attas ertegisiniń jelisimen, zamanymyzdyń has horeograftarynyń biri Nadejda Kalınına qoıǵan eki kórinisti «Kúlshe qyz» baletin pash etpek.

Osy balet jaıly estigen boıda, óner súıer qaýym, premeradan bir aı buryn bıletterdiń bárin satyp alǵan.

Kórermenniń osynalyqty yntyzarlyq tanytyp otyrǵanynyń sebebi sol, elimizde atalǵan ertegi balet sahnasynda alǵash qoıylyp otyr. Sergeı Prokofevtyń ǵajaıyp mýzykasyn qoıýshy-dırıjer Arman Orazǵalıev basqaratyn orkestr oryndap shyǵady.

Premeraǵa daıyndyq eki aı buryn bastalǵan. Horeograf Nadejda Kalınınanyń aıtýynsha, «Kúlshe qyz» - shyǵarmashylyq jolyndaǵy eń kúrdeli jobalarynyń biri.

- Bul alǵash qoıylyp jatqan dúnıe. Horeografııa, dekoratsııa, kostıýmder, beıne kontent – osynyń bárin oıdan shyǵaryp, arnaıy «Astana Balet» úshin daıyndap, kıimderin tigip jatyrmyz. Adam balasy ertegini qajetsinedi. Bizdiń maqsat otbasyńyzben birge kóretin, zamanaýı stılde jasalǵan, tartymdy keıipkerleri kóp, ázili bar jarqyn spektkl jasaý. Balette komedııa janry múldem sırek qoldanylady, óıtkeni, sahnada tentektiń keıipin somdaý, kúldirý óte kúrdeli. Ol úshin belgili bir dárejede ishki bostandyq qajet, - deıdi baletmeıster.

Kúlshe qyzdyń ógeı ápkeleri, olardyń kavalerleri, Ógeı Sheshe, tipti Hanzadanyń ózine qyzyqty horeografııalyq replıkalar qosylǵan.

- Óz basym Hanzadanyń tym salmaqty, dúrdeı bolǵanyn qalamadym. Arakidik ol-daǵy tentektik jasaıdy. Spektakl horeografııasyn jasaǵanda men ártisterge ıek artamyn, olardy árdaıym osy dúnıeni birge týdyrýshy retinde qabyldaımyn. «Astana Balet» ártisterine qarap, shabyttanamyn. Boıyma qanat bitkendeı bolady. Trýppanyń kásibı turǵyda osynshalyqty óskeni tań qaldyrady, tamsandyrady. Sebebi, olarmen osy teatr qurylǵan shaqta jumys istegenim bar.

Horeograf Nadejda Kalınına lıbrettonyń da avtory. Dekoratsııa men kostıým sýrteshisi - tanymal stsenograf Sergeı Novıkov. Onyń ınterpretatsııasyna sáıkes, balet oqıǵasy Kúlshe qyzdyń kúndeligi retinde órbıdi. Sol sebepti, kitap taqyryby spektakldiń ón boıynan seziledi: dekoratsııada, kishigirim býtaforııa men kostıýmderde.

Aldaǵy premeraǵa teatrdyń balet trýppasy túgel qatysady. Naqty eshkimniń esimin ataǵan joq, degenmen bir nárse aıqyn. Basty partııalardyń birine ártisterdiń úsh-tórt quramyn daıyndap otyr.

Spektakl 20 jeltoqsanda, saǵat 19:30-da, sondaı-aq jeltoqsannyń 21, 22 kúnderi, saǵat 18:00-de bastalady.

Bizdiń kanalymyzǵa jazylyńyz:

Basty sózder: Nur-Sultan, Mádenıet, Óner,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT