+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Elordada koronavırýspen aýyrǵandar men jazylǵandarǵa qandaı medkómek kórsetiledi

2021 jylǵy 29 shilde 18:11
Bólisińiz:
Elordada koronavırýspen aýyrǵandar men jazylǵandarǵa qandaı medkómek kórsetiledi

NUR-SULTAN. QazAqparat – Nur-Sultan qalasynda koronavırýs indetine shaldyqqandar men odan jazylyp shyqqan naýqastarǵa qandaı medıtsınalyq kómek kórsetiledi? Bul suraqqa Áleýmettik-medıtsınalyq saqtandyrý qorynyń Nur-Sultan qalasy boıynsha fılıalynyń dırektory Nurlybek Qabdyqaparov jaýap berdi, dep habarlaıdy QazAqparat tilshisi.

Uqsas jańalyqtar
Koronavırýstyń jańa shtamdarynyń taralýy: Balalardaǵy alǵashqy belgiler Koronavırýstan jazylǵandar tegin ońaltýdan ótý úshin ne isteýi kerek Koronavırýs juqtyrǵan 226 patsıenttiń jaǵdaıy óte aýyr - mınıstrlik

«Koronovırýs ınfektsııasymen kúres aıasynda ambýlatorııalyq deńgeıde eresekter men balalarǵa medıtsınalyq kómek kórsetilip jatyr. Bizdiń aqparattyq júıedegi derekterge saı, 2021 jyldyń 6 aıynda 104,07 mln teńge somasyna 26 226 retsept boıynsha 19 472 patsıent antıbakterıaldyq, ystyq túsiretin preparattarmen jáne antıkoagýlıanttarmen qamtamasyz etildi. Onyń ishinde COVID-19 ınfektsııasy boıynsha 88,48 mln teńge somasyna 14 117 retseptimen 9 851 patsıent dárimen qamtyldy. Sondaı-aq, COVID-19-dyń jeńil túrimen aýyrǵan naýqastar PTR-test nátıjesine qaramastan, emdeýshi dárigeriniń taǵaıyndaýy boıynsha ystyq túsiretin dáriler men antıkoagýlıanttardy ózi tirkelgen emhanadan ala alady», - dedi Nurlybek Qabdyqaparov ZOOM platformasynda ótken baspasóz máslıhatynda.

Odan bólek, fılıal basshysy atalǵan indetten jazylǵan soń patsıentke qandaı ońaltý kómeginiń kórsetiletini týraly aıtty.

«Elorda turǵyndary koronavırýs jáne pnevmonııa kezinde medıtsınalyq kómekti medıtsınalyq saqtandyrý júıesindegi mártebesine qaramastan tegin alady. Bizdiń qor Nur-Sultan qalasy boıynsha ońaltý qyzmetterin kórsetetin 45 medıtsına uıymymen kelisimshart jasaǵan. Onyń ishinde 20 jekemenshik, 22 memlekettik jáne 3 respýblıkalyq medıtsına uıymy bar. Sonymen qatar, koronavırýspen nemese ortasha, aýyr jáne asa aýyr deńgeıdegi pnevmonııamen aýyrǵan patsıentter Medıtsınalyq saqtandyrý qorynyń qarajaty esebinen ońaltýdan óte alady. Azamattar úıinde emdeldi me, álde aýrýhanada emdeldi me, oǵan qaramaıdy. Medıtsınalyq ońaltýǵa joldama reabılıtolog mamannyń keńesimen aýrýhananyń nemese emhananyń mýltıdıstsıplınarlyq komandasynyń qorytyndysy boıynsha beriledi», - deıdi ol.

Elordalyq Áleýmettik-medıtsınalyq saqtandyrý qorynyń málimetine súıensek, bıyl І jartyjyldyqta 2,02 mlrd teńge somasyna (onyń ishinde kúndizgi statsıonarlarda – 43 308, táýliktik statsıonarlarda – 36 999) ońaltý qyzmeti kórsetildi.

Sol sııaqty ambýlatorııalyq-emhanalyq deńgeıde 274,6 mln teńge somaǵa 270 316 qyzmet kórsetildi.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT