+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Elordada kómir 12 jerde satylyp jatyr

2021 jylǵy 17 qyrkúıek 09:07
Bólisińiz:
Elordada kómir 12 jerde satylyp jatyr

NUR-SULTAN. QazAqparat - Elordada 12 jerde qala turǵyndary úshin kómir satylyp jatyr. Ákimdik turǵyndarǵa jylý berý maýsymy bastalǵanǵa deıin kómir satyp alýǵa keńes berdi, dep habarlaıdy QazAqparat qala ákimdigine silteme jasap.

Uqsas jańalyqtar
Qazaqstan kómirinen farmatsevtıkalyq jáne hımııalyq ónimniń 300-ge jýyq túri óndiriledi

Atap ótý kerek, elorda ákimdigi kómir satýmen aınalysatyn kompanııalarmen, sonyń ishinde qara otyn baǵasynyń ósýine jol bermeý týraly memorandýmdar jasasty.

«Qalada 12 jerde kómir satýdy qamtamasyz etetin 7 kompanııa bar. Atalǵan oryndarǵa qalaǵa ákelinetin kómirdiń negizgi bóligi jetkiziledi jáne osy jerden kómir saýdasy júzege asyrylady. Qala ákimdigi barsha turǵyndardy kómir satyp alýdy aldyn ala qamtamasyz etýge shaqyrady. Kún sýyǵanda kómirdi jurttyń bári jappaı satyp alatyndyqtan kezek paıda boýly múmkin. Mundaı jaǵdaı bolmas úshin biz qyrkúıek aıynan bastap halyqty kómir satyp alýǵa shaqyramyz», - dedi Otyn-energetıkalyq resýrstar bóliminiń basshysy Maqsat Esmaǵulov.

Belgilengen baǵaǵa sáıkes, elordadaǵy kómirdiń ortasha quny:

Shubarkól tonnasy – 13 200 tg;

Qarajyra tonnasy – 13 500 tg;

Maıkúbi tonnasy – 12 000 tg;

«Bogatyr kómiri» tonnasyna – 9 500 tg.

«Qazirgi ýaqytta qoımada 800 tonnaǵa jýyq Shubarkól kómiri men eki myń tonnaǵa jýyq Maıkúbi kómiri bar. Eshqandaı kezek joq, negizinen Kóktal-1, Kóktal-2 Agroqalashyq turǵyn úı alaptarynyń halqy kómirdi bizden satyp alady, biraq bıyl olardyń barlyǵy gazǵa qosylady. Kómir qys boıy jetkizilip turady», - dedi «Bek-Aıda» JK qoıma meńgerýshisi Dýlat Qusaıynov.

Nur-Sultanda kómirdi myna oryndardan satyp alýǵa bolady:

- Gertsen kóshesi 4/1-úı - Qarajyra sorty;

- Qyrqynshy stansa - Qarajyra sorty.;

- Gertsen kóshes, 6/2-úı – Usaq Bogatyr, Maıkúbi, Qaraǵandy, Jalyn, Qarajyra, Shubarkól sorty.;

- Kóktal, 28/1 - Maıkúbi;

– A.Jubanov kóshesi 35-úı - Shubarkól;

- Kóktal, 28/2 - Shubarkól;

- J. Jabaev kóshesi, 68 - Qarajyra sorty;

– Maqat k-si, 40 – Qarajyra sorty;

- Gertsen kóshesi, 6B – bogatyr, Qarajyra, Jalyn, Maıkúbi;

- Qyrqynshy stansa - Shubarkól.

Sondaı-aq, 109 nómiri boıynsha «jedel jeli» quryldy, ol arqyly qala turǵyndary kómir satatyn oryndardaǵy qara otyn quny men qorlary týraly bile alady. Bul aqparat kún saıyn jańartylyp otyrady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT