+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Elordada kólikterdiń erejesiz toqtaýy avtomatty túrde tirkeledi

2020 jylǵy 21 qazan 13:28
Bólisińiz:
Elordada kólikterdiń erejesiz toqtaýy avtomatty túrde tirkeledi

NUR-SULTAN. QazAqparat – Elordada 21 qazannan bastap kólikterdiń erejesiz toqtaý jáne toqtap turý faktileri avtomaty túrde tirkeledi. Mundaı zańbuzýshylyqtardyń jazasyz qalmaıtynyn Nur-Sultan qalasynyń polıtsııa departamenti eskertti, dep habarlaıdy QazAqparat tilshisi.

Kólik quraldarynyń toqtaý nemese toqtap turý qaǵıdalaryn buzý, sondaı-aq toqtaýǵa jáne toqtap turýǵa tyıym salatyn jol belgileriniń talaptaryn saqtamaý – budan bylaı qatań qadaǵalanady. Endi mamandandyrylǵan kólik quraldaryndaǵy «Dozor-M» sertıfıkattalǵan apparattyq-baǵdarlamalyq kesheni olardy avtomaty rejımde tirkeletin bolady.

«Bul keshen quqyqbuzýshylyq jasalǵan kólik quraldarynyń nómirlerin tanıdy jáne tirkeıdi, GPS⁄GLONASS kómegimen naqty oryn men ýaqytyn anyqtaıdy. Keıin bul buzýshylyqtar týraly málimet uıaly baılanys modýlderi arqyly kelip túsedi, osy derekter negizinde ákimshilik aıyppuldar rásimdeledi. Keshen anyqtaǵan buzýshylyq faktileri úshin QR Ákimshilik quqyq buzýshylyq Kodeksiniń 601-babynyń 1-bóligi boıynsha 3 AEK (8 334 teńge) mólsherindegi aıyppul túrinde ákimshilik jaýapkershilik kózdeledi. Kólik quraldarynyń toqtaý nemese toqtap turý qaǵıdalaryn buzǵany úshin Kodekstiń 597-baby boıynsha buzýshylyqqa baılanysty 5-ten 10 AEK-ke deıingi mólsherde aıyppul salynady», - dep habarlady Nur-Sultan qalasynyń Polıtsııa departamenti.

Belgilenbegen jerlerde toqtaý men toqtap turý, joldyń júrý bóligindegi tańbalar talaptaryn saqtamaý - eń kóp taralǵan quqyqbuzýshylyqtardyń biri. Júrgizýshiler kólikterin tyıym salynǵan jerlerde qaldyrady, osylaısha jolda apatty jaǵdaılar, «keptelister» jáne basqa da qolaısyzdyqtar týǵyzady.

Sonymen birge, Nur-Sultan qalasy PD qyzmetkerleri jol qozǵalysy erejelerin buzý faktileriniń aldyn alý jumystaryn turaqty túrde júrgizip keledi.

«Bıyl Nur-Sultan qalasy PD qyzmetkerleri kólik quraldarynyń toqtaý nemese toqtap turý qaǵıdalaryn buzý faktisi boıynsha 3 858 júrgizýshini jáne jol júrý bóligindegi talaptardy saqtamaý boıynsha – 8878 júrgizýshiler ákimshilik jaýapqa tartty», - deıdi polıtsııa departamenti.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT