+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Elordada kólik polıtseıleri qyzmettik mindetterin oryndaý kezinde qaza tapqan áriptesterin eske aldy

2021 jylǵy 22 maýsym 21:37
Bólisińiz:
Elordada kólik polıtseıleri qyzmettik mindetterin oryndaý kezinde qaza tapqan áriptesterin eske aldy

NUR-SULTAN. QazAqparat – Nur-Sultan qalasynda kólik polıtseıleri qyzmettik mindetterin oryndaý kezinde qaza tapqan áriptesterin eske aldy, dep habarlaıdy QazAqparat.

Qazaqstan polıtsııasy kúnin atap ótýge arnalǵan saltanatty is-shara qyzmettik mindetterin oryndaý kezinde qaza bolǵan qyzmetkerlerge arnaıy ornatylǵan «Máńgilik umytylmas esimder» taqtasyna gúl shoqtaryn qoıýmen bastaldy. Іs-sharaǵa Kóliktegi polıtsııa deparatamentiniń basshylyǵy men jeke quramy, sondaı-aq ishki ister organdarynyń ardagerleri qatysty.

«Biz Qazaqstan polıtsııasynyń tarıhymen, onyń dástúrlerimen, bizdiń ardagerlerimizdiń erlikterimen maqtanamyz, ıaǵnı olar jas býynǵa teńdessiz bilim men baǵa jetpes tarıhı mura qaldyrdy. Biz qyzmettik mindetterin oryndaý kezinde qaza bolǵan áriptesterimizdiń rýhy aldynda bas ıemiz. Olardyń erlikteri biz úshin patrıotızm men adaldyqtyń aınymas úlgisi bolyp qala beredi», - dedi Departament bastyǵynyń mindetin atqarýshy Saryqul Jolanov. Budan soń ol qaza tapqan qyzmetkerlerdi eske alýǵa arnalǵan bir mınýttyq únsizdik jarııalady.

«Búgingi kúni jeke quram óziniń kúndelikti adal eńbegimen jáne batyldyq is-áreketterimen Departamenttiń atyn shyǵarýda. Osyndaı naǵyz kásibı shyńdalǵan Otanymyzdyń laıyqty qorǵaýshylary ózgelerge úlgi. Elimizdiń kólik polıtseıleri aldaǵy ýaqytta ózderiniń barlyq kúshterin zańdylyqty saqtaýǵa, quqyqtyq tártip pen qoǵamdyq qaýipsizdikti qamtamasyz etýge jumsaıdy dep senemin» - dedi polıtsııa polkovnıgi S.Jolanov. Ol áriptesterine otbastaryna amandyq, kúrdeli de jaýapty qyzmetterine tolaǵaı tabystar tiledi.

Merekelik is-shara barysynda ІІO ardagerleri de sóz sóılep, jyly lebizderin bildirdi.

Qazaqstan polıtsııasy kúnin merekeleýge baılanysty QR ІІM-niń jáne Departamenttiń buıryqtarymen óz qyzmettik mindetterin adal atqarǵandary jáne qyzmette joǵary jetistikterge qol jetkizgenderi úshin 40-tan asa qyzmetkerge gramotalar men alǵys hattar tabystaldy, onyń ishinde eń úzdik jedel ýákilder, tergeýshiler, krımınalıster jáne t.b bar. Mysaly, Qýanyshkereı Qyzylbaev ishki ister organdarynda 12 jyldan asa qyzmet etip keledi. Qýanyshkereı Zeıdenuly búgingi kúni Mańǵystaý stantsııasyndaǵy jelilik polıtsııa bólimi bastyǵynyń orynbasary laýazymyn atqarady. Kásibı mereke qarsańynda oǵan qoǵamdyq tártipti nyǵaıtýdaǵy qosqan úlesi úshin polıtsııa podpolkovnıgi sheni merziminen buryn berildi, sóıtip ol kólik polıtsııasynyń eń úzdik qyzmetkeri dep tanyldy.

Eske sala keteıik, kólik polıtsııasynyń qurylǵan kúninen beri qyzmettik mindetterin oryndaý kezinde 10-nan asa qyzmetker qaza tapqan.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT