+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Elordada qoǵamdyq kólikter nelikten 23.00-ge deıin ǵana júredi – kompanııa basshysynyń jaýaby

2020 jylǵy 27 aqpan 15:16
Bólisińiz:
Elordada qoǵamdyq kólikter nelikten 23.00-ge deıin ǵana júredi – kompanııa basshysynyń jaýaby

NUR-SULTAN. QazAqparat – City Transportation Systems (burynǵy «Astana LRT») kompanııasynyń basshysy Bekmyrza Igenberdınov Nur-Sultan qalasyndaǵy qoǵamdyq kólikter nelikten 23.00-ge deıin ǵana júretinin túsindirip berdi, dep habarlaıdy QazAqparat tilshisi.

«Bizdiń kompanııada qozǵalysty 12:30-da da aıaqtaıtyn avtobýstar bar. Ekonomıkaǵa qaraý kerek. 2017 jyly jańa baǵdarlardy iske qosqanymyz esterińizde bolar. Pikirler kóp edi. EKSPO kezinde qala ishindegi qozǵalys údep ketti. Alaıda is júzindegi tájirıbe qoǵamdyq kólikke túngi birde adamdar óte sırek otyratynyn kórsetti. Park qyp-qyzyl shyǵynǵa jumys isteýi múmkin», - dedi Bekmyrza Igenberdınov «Elordadaǵy qoǵamdyq kólik keshenin damytý: keshe, búgin, erteń» atty kórme-konferentsııasynda.

Kompanııa basshysynyń aıtýyna qaraǵanda, birneshe adamdy ǵana qoǵamdyq kólikpen alyp júrý eshqandaı tabys ákelmeıdi.

«Tıisinshe birqatar baǵdardyń túngi 24:00 nemese birge deıin qozǵalys ýaqytyn uzartý týraly aıtyp bereıin. Aýdan ákimdikterimen bul baǵytta taldaý jumystaryn júrgizip jatyrmyz. Kesteni qosý kerektigin túsinemiz. Eger belgili bir avtobýs qozǵalysty túngi 23.00-de toqtatyp tastasa, degenmen ol baǵdarǵa suranys bolsa qosymsha keste qosý týraly máseleni kóterip, túngi 00.15 ýaqytyna deıin avtobýstar júretindeı tártip engizý týraly aıta alamyz», - dedi spıker.

Sonymen qatar Bekmyrza Igenberdınov qazirgi ýaqytta júrgizýshilerdiń jetispeı jatqanyn aıtady.

«Úsh aýysymdy jumys tártibi týraly aıtar bolsaq, 700-ge tarta júrgizýshi jetispeıdi. Problemanyń aýqymy úlken. Keıingi 10 jylda mamandandyrylǵan D sanatyndaǵy júrgizýshilerdi daıarlaý formatyn joǵaltyp aldyq. Osydan baryp kásibı júrgizýshilerdi tabý qıynǵa túsip barady. Biliktilik ortalyǵynan kóptegen adam kelip jatqanymen kóbi qarapaıym ǵana erejeler boıynsha synnan óte almaı jatyr. Basqa qalalardan keletin kásibı mamandar bar desek te, olardyń kóbiniń yńǵaıyna bizdiń trafık kele bermeıdi. Sebebi kóbi óz qalasyndaǵy tynysh rejimge úırenip qalǵan», - deıdi ol.

Bekmyrza Igenberdınov 2022 jylǵa qaraı avtobýs parkteri jańartý úshin 500-ge tarta avtobýstyń kerektigin aıtyp ótti.


Bizdiń kanalymyzǵa jazylyńyz:

Basty sózder: Nur-Sultan, Qoǵam, Kólik,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT