+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Elordada Qazaqstanda shyǵarylǵan kólikterdiń halyqaralyq kórmesi ashyldy

2021 jylǵy 24 maýsym 16:22
Bólisińiz:
Elordada Qazaqstanda shyǵarylǵan kólikterdiń halyqaralyq kórmesi ashyldy

NUR-SULTAN. QazAqparat – Elordada Automechanica Astana jáne Futuroad Expo Astana halyqaralyq kórmesi ashyldy. Kórme 26 maýsymǵa deıin jalǵasady, dep habarlaıdy QazAqparat tilshisi.

Elorda turǵyndary men qonaqtary Qazaqstanda shyǵarylǵan jeńil avtokólikter kórmesin, jetekshi avtosalondardyń test-draıvyn jáne erekshe tıýnıngten ótken jáne retro kólikter shoýyn tamashalaı alady.

Al avtokólik salasynyń mamandary úshin Qazaqstandaǵy negizgi máseleler – qalalyq avtobýs tasymalyn damytý, jolaýshylar tasymaly qaýipsizdigi, avtobýs bıletterin berýdi avtomattandyrýdyń biryńǵaı júıesin engizý jáne tutas salany tsıfrlandyrý taqyryptaryn talqylaý qarastyrylǵan.

«Álemdik pandemııa ekonomıkanyń kóptegen salalaryna teris yqpalyn tıgizdi. Ásirese týrızm salasynda tómen kórsetkishter baıqalady. UNWTO málimetine sáıkes, 2020 jyly álem boıynsha týrıster sany 74 paıyzǵa azaıǵan. Halyqaralyq jáne ishki jolaýshylar aǵynynda da azaıý bar. 2020 jyly halyqaralyq reıs jolaýshylary 76 paıyzǵa, ishki reıs jolaýshylary – 19,5 paıyzǵa kemigen. Temirjol kóliginde de pandemııa kezeńinde jolaýshylar 39,4 paıyzǵa azaıdy», - dep atap ótti «AstanaInvest» qalalyq ınvestıtsııalardy damytý ortalyǵy basqarmasynyń tóraǵasy Erjan Baltaev «Týrısterdi tasymaldaýdyń jaılylyǵy men qaýipsizdigi deńgeıin arttyrý» atty paneldik sessııada.

Onyń aıtýynsha, eldiń týrıstik áleýetin arttyrýdy memlekettik qoldaý jáne yntalandyrý sharalary – memlekettiń basym baǵyttarynyń biri. Sáýir aıynda el Prezıdenti týrıstik sala máseleleri boıynsha túzetýlerge qol qoıǵan.

Týrıstik avtotasymaldaý arqyly qazaqstannyń týrızm salasyn damytý bólek taqyryp retinde talqylanbaq.

«Qoljetimdi kólik – týrızmdi damytýdyń negizi faktory bolyp sanalady. Nur-Sultan qalasynyń týrıstik áleýeti joǵary. Kólik salasynda qyzmet kórsetý deńgeıi artqan jaǵdaıda týrısterdiń de kelýi artady. Týrıster tarapynan qala boıynsha jáne qalaaralyq tasymalǵa avtobýspen týrǵa shyǵýǵa suranys bar. Týrısterge jaıly jaǵdaı jasaý úshin jáne qyzmet kórsetý deńgeıin arttyrý úshin «VisitNur-Sultan» áriptestik baǵdarlamasyn ázirledik. «VisitNur-Sultan Transport» baǵdarlamasy kólik jáne logıstıkada qyzmet kórsetetin kompanııalarǵa arnalǵan. Sebebi týrısterge eń aldymen kólik qyzmeti qajet.

Bizdiń negizgi mindetimiz – halyqaralyq deńgeıde trýıstik servısti damytý, kólik qatynasy kezinde jaıly jaǵdaı men qaýipsizdikti qamtamasyz etý. Sol sebepti Automechanica Astana jáne Futuroad Expo Astana halyqaralyq kórmesi sııaqty salalyq sharalarǵa qyzyǵýshylyqpen qaraımyz», - dedi Erjan Baltaev.

Kórme pandemııada ótip jatqandyqtan, uıymdastyrýshylar qaýipsizdik máselesine erekshe kóńil bólip otyr. Árbir kelýshi Ashyq qosymshasynda tekseriledi jáne tegin ekspress testten óte alady. Negizgi sharalar ashyq aspan astynda ótedi. Munyń barlyǵy kórmege kelýshilerdiń qaýipsizdigi úshin jasalyp otyr.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janat Qapalbaeva
Janat Qapalbaeva
954-059

MURAǴAT