+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Elordada qazaq kúresin Olımpıada oıyndary qataryna qosý máselesi talqylandy

2019 jylǵy 20 qyrkúıek 18:41
Bólisińiz:
Elordada qazaq kúresin Olımpıada oıyndary qataryna qosý máselesi talqylandy

NUR-SULTAN. QazAqparat - Halyqaralyq «Qazaq kuresi» federatsııasy, Qazaqstan Respýblıkasy Qazaq kúresi federatsııasy, óńirlik jáne sheteldik federatsııa músheleriniń birlesken otyrysynda qazaq kúresin Olımpıada oıyndar qataryna qosý máselesi talqylandy, dep habarlaıdy QazAqparat.

Uqsas jańalyqtar

Jıyn barysynda qazaq kúresiniń órkendeýi, ondaǵy ózgerister máselelesi kóterildi. Federatsııa sporttyq-tehnıkalyq komıtetiniń tóraǵasy J.Qonyspaev qazaq kúresiniń órkendeýi jolyndaǵy olımpıadalyq baǵytta jasalynatyn jumystar legin usyndy.

Onyń aıtýynsha búginde qazaq kúresin olımpıadalyq oıyndar qataryna engizý úshin birqatar jumystar atqarý qajet. Osy oraıda, Federatsııa ǵylymı-ádistemelik komıtetiniń tóraǵasy E.Myrzabosynov qazaq kúresindegi ózgeristerdi ǵylymı-keshendik jumys tobyn qurýdy (termınderdi qalyptastyrý, daıyndyq ádisteme jumystaryn júrgizý), qazaq kúresin mektep baǵdarlamasyna engizý baǵytynda usynystaryn bildirdi. Sonymen qatar, E.Myrzabosynov qazaq kúresiniń erejesine ózgerister men tolyqtyrýlar engizý qajettigin aıtty.

«Qazaq kúresiniń damý tarıhy tereńde jatyr. Toı-domalaq, jıyn-merke, túrli basqosýlar palýandardyń beldesýinsiz ótken emes. Qazirgi tańda elimizde jekpe-jek ónerin álemdik básekege laıyqty sport deńgeıine shyǵarý mańyzdy mindetterdiń birine aınalyp otyr.


Sondyqtan qazaq kúresiniń damýyna atsalysyp jaýapty tulǵalar ulttyq sporttyń olımpıada qataryna engizý úshin qajetti naqty qadamdardy atap, sol boıynsha jumys tobyn quryp úlgerdi», delingen habarlamada.

Buqaralyq aqparat quraldaryna bergen suhbatynda Halyqaralyq «Qazaq kuresi» federatsııasynyń prezıdenti Qanat Bozymbaev «ulttyq sportymyzdyń olımpıadalyq oıyndar qatarynan tabylýyna bar kúsh-jigerimizdi salamyz» degen bolatyn. Onyń pikirinshe, Halyqaralyq Federatsııanyń qurylǵanyna az bolsa da, osy ýaqyt aralyǵynda aýqymdy sharalar men nátıjeli jumystar atqaryldy. Federatsııa quramyna Eýropa men Azııa elderiniń 28 ulttyq federatsııasy kiredi.

Federatsııa jyl saıyn halyqaralyq týrnırler men is-sharalar ótkizýdi dástúrge aınaldyrǵan. Federatsııa qurylǵan 2 jyl ishinde: qazaq kúresinen álem chempıonaty-2017 (Astana, Qazaqstan), 2018 jyly jattyqtyrýshylar men tóreshilerge arnalǵan halyqaralyq semınar (Tbılısı, Grýzııa), Qazaq kúresinen Eýropa chempıonattary (Grýzııa men Polsha), 2018 jyly oqý-jattyǵý jıyny (Almaty, Qazaqstan), Azııa chempıonattary (Qazaqstan men Mońǵolııa), Federatsııa qoldaýymen «Álem barysy» týrnıri ótkizildi. Sondaı-aq, 2018 jyly - 3 ulttyq chempıonat ótkizilse, ulttyq chempıonattar sany 10-nan asyp tústi.

Álbette, qarqyndy qoldaýdyń arqasynda ulttyq sportymyz búginde álemge keń nasıhattalyp, úlken tanymaldylyqqa ıe. Qazaq kúresimen Grýzııa, Qytaı, Eýroodaq elderi, Iran jáne t.b. elderi aınalysa bastady.


Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT