Jańalyqtar  >
Elordada qandaı joldar jóndeýge jabyldy
2022 jylǵy 16 tamyz 17:43

Elordada qandaı joldar jóndeýge jabyldy

NUR-SULTAN. QazAqparat – Nur-Sultan qalasynyń Kólik jáne jol-kólik ınfraqurylymyn damytý basqarmasy elordada qandaı kósheler jóndeýge jabylǵanyn málim etti, dep habarlaıdy QazAqparat tilshisi.

Basqarma aqparatyna sáıkes, búgingi tańda ortasha jóndeý jumystaryn júrgizýge oraı 5 jol ýchaskesinde kólik qozǵalysy toqtaǵan.

16-20 tamyz aralyǵynda M. Áýezov kóshesiniń Bógenbaı batyr dańǵylynan Á. Jangeldın kóshesine deıingi ýchaskesi tolyq jabyldy.

15 tamyzdan 5 qyrkúıekke deıin Máńgilik el dańǵyly men Saraıshyq kóshesiniń qıylysyndaǵy aınalma joldan bastap R.Qoshqarbaev dańǵylyna deıingi ýchaske jabylǵan.

Sonymen qatar 24 tamyzǵa deıin «Arqar» kópirinde kólik qozǵalysy toqtaıdy. Atap aıtqanda, Máńgilik el dańǵyly men Saraıshyq kóshesiniń qıylysynan bastap R.Qoshqarbaev kóshesi baǵytynda jóndeý jumystary júredi.

Al 6-20 tamyz aralyǵynda Saýran kóshesiniń joldary ortasha jóndeýden ótedi. Osyǵan baılanysty Syǵanaq kóshesinen Kereı-Jánibek handar kóshesine deıingi ýchaske ishinara jabyq tur.

Budan bólek, 15-20 tamyz kúnderi Máńgilik el dańǵylynyń Kereı-Jánibek handar kóshesinen Buqar Jyraý kóshesine deıingi aralyǵynda kólik qozǵalysy toqtady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT