+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Elordada qamqorsyz qalǵan balalardy qoldaýǵa arnalǵan «Tańǵajaıyp áýen» festıvali ótti

2019 jylǵy 7 jeltoqsan 22:00
Bólisińiz:
Elordada qamqorsyz qalǵan balalardy qoldaýǵa arnalǵan «Tańǵajaıyp áýen» festıvali ótti

NUR-SULTAN. QazAqparat – «Degdar» qaıyrymdylyq qory men «Qazaqkontsert» memlekettik kontserttik uıymy Nur-Sultan qalasynda «Tańǵajaıyp áýen» festıvali aıasynda qaıyrymdylyq kontsertin ótkizdi, dep habarlaıdy QazAqparat tilshisi.

Uqsas jańalyqtar
Elordada Táshenovke, Qojanovqa, Bıgeldınovke, Altynsarınǵa eskertkish ornatylady Qalamger Sábıt Dosanovtyń mereıtoıyna arnalǵan shyǵarmashylyq keshi ótti Taldyqorǵanda qos ǵulamanyń mereıtoıyna arnalǵan tarıhı-tanymdyq joba tanystyryldy

Keshte balalardy qoldaýǵa arnalǵan operetta men mıýzıklderdiń tanymal arııalary shyrqaldy. Darıǵa Nazarbaeva, Medet Shotabaev, Meıir Baınesh, Álfııa Kárimova, Azat Málik, Azamat Jyltyrkózov, memlekettik «FORTE TRIO» trıosy, «Astana Opera» teatrynyń sımfonııalyq orkestri men hory, dırıjer Abzal Muhıtdınov meımandarǵa merekelik kóńil-kúı syılady. Keshti teatr jáne kıno akteri Shyńǵys Kapın júrgizdi.


Qor dırektory Laýra Ahmetova kórermenderge arnaǵan sózinde kómek kórsetkenderge alǵysyn bildirip, qaıyrymdylyqqa jiberilgen qarjynyń qaıda jumsalatynyn aıtyp ótti.


«Ótken jyly festıval aıasynda 52 mıllıon teńge qarajat jınalyp, tórt aýyldyq balalar úıi arasynda bólingen bolatyn. Onda 209 bala qamtyldy. Bıyl 315 balany qamtýdy josparlap otyrmyz. Festıval aıasynda jınalǵan barlyq qarajat aýyldyq jerlerdegi balalar úılerin jabdyqtaýǵa baǵyttalady. Qarajat jınaý áli de jalǵasyp otyr ári qaıyrymdylyq sharasyna bárimiz de qatysa alamyz», - dedi ol.


Bıyl qaıyrymdylyq jınaǵy aýyldyq jerlerdegi tórt balalar úıiniń qajettiligine jumsalady.. Olar Aqmola oblysyndaǵy balabaqsha-mektep-ınternaty, Shyǵys Qazaqstan oblysyndaǵy №8 balalar úıi, Qaraǵandy oblysyndaǵy jetim balalar men ata-ana qamqorlyǵynsyz qalǵan balalarǵa arnalǵan Lıtvınsk mektep-ınternaty jáne Qostanaı oblysyndaǵy ortalyq júıke júıesi organıkalyq zaqymdalǵan jáne psıhıkasy buzylǵan balalarǵa arnalǵan Rýdnyı mamandandyrylǵan balalar úıi.


Qarajat sonymen qatar erekshe akterler teatrynyń jumysyn qoldaýǵa baǵyttalady.

Eske sala ketsek, osydan birneshe kún buryn «Degdar» gýmanıtarlyq qory jáne «Qazaqkontsert» memlekettik kontserttik uıymy elordada dástúrli «Sıqyr áýenderi» qaıyrymdylyq festıvalin ótkizgen bolatyn.


Bizdiń kanalymyzǵa jazylyńyz:

Basty sózder: Nur-Sultan, Mádenıet, Óner,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT