Jańalyqtar  >
  Astana

Elordada ıt pen mysyq asyraýǵa lıtsenzııa alý talaby engizilmek

2022 jylǵy 29 qarasha, 19:09
Elordada ıt pen mysyq asyraýǵa lıtsenzııa alý talaby engizilmek

ASTANA. QazAqparat – Elordada ıt jáne mysyq asyraý úshin ruqsat beretin lıtsenzııa engizý usynysy Ekologııa, geologııa jáne tabıǵı resýrstar mınıstrligine joldandy. Bul týraly búgin bas shahardyń maslıhatynda ótken turaqty komıssııanyń otyrysynda Astana qalalyq orta sapasy men baqylaý basqarmasynyń basshysy Dáýlet Dosqulov málim etti, dep habarlaıdy QazAqparat tilshisi.

«Astanada Ekologııa mınıstrligi bekitken úı janýarlaryn ustaýdyń jáne serýendetý men olardy aýlaýdyń, ýaqytsha ustaýdyń jáne jansyzdandyrýdyń qaǵıdalary bekitildi. Búginde mınıstrlikke ıtter men mysyqtardy asyraý úshin ruqsat beretin lıtsenzııa túrin engizý qajettigi týraly naqty usynystar joldandy», - dedi Dáýlet Dosqulov.

Onyń aıtýynsha, qazirgi ýaqytta «Tańba» janýarlardy esepke alýdyń biryńǵaı aqparattyq júıesi jumys isteıdi. Ol tek elordada ǵana emes, respýblıka boıynsha úı janýarlarynyń naqty sanyn anyqtaýǵa múmkindik beredi. Dáýlet Dosqulovtyń dereginshe, jyl basynan janýarlardy serýendetý erejesin buzǵan 462 elordalyq jaýapqa tartylǵan. Olarǵa salynǵan aıyppuldyń jalpy somasy 2 mln 700 myń teńge.


Uqsas jańalyqtar
Tegı:
Astana   Zań   Janýarlar  
Seriktester jańalyqtary

Jańalyqtar