USD 434.34 EUR 491.93
RUB 5.56 CNY 68.67
Jańalyqtar

Elordada halyqaralyq munaı jáne gaz kórmesi ótip jatyr

2021 jylǵy 6 qazan 12:10
Bólisińiz:
Elordada halyqaralyq munaı jáne gaz kórmesi ótip jatyr

NUR-SULTAN. QazAqparat – Elordada alǵash ret «KIOGE-2021» halyqaralyq munaı jáne gaz kórmesi ashyldy, dep habarlaıdy QazAqparat tilshisi.

«EXPO» halyqaralyq kórme ortalyǵynda ótip jatqan sharaǵa óz elimizden bólek Reseı, Belarýs, Avstrııa, Bahreın, Ulybrıtanııa, Germanııa, Nıderlandy jáne Horvatııadan 156 kompanııa qatysyp jatyr.

Kórmege qoıylǵan ekspozıtsııanyń jalpy aýdany - 2700 sharshy metr.

Uıymdastyrýshylardyń aıtýynsha, kórmege kelýshiler munaı jáne gaz salasyna qatysty sońǵy tehnologııalarmen tanysýmen qatar, sala mamandarymen tildesip, tájirıbe almasa alady.

«KIOGE» kórmesi elordada alǵash ret uıymdastyrylyp otyr. Bul munaı jáne gaz salasyndaǵy mańyzdy shara. Halyqaralyq kórme eki jylda bir ret ótedi jáne bıylǵy sharaǵa 9 elden 120-dan astam kompanııa qatysyp jatyr. Kórmeniń bizge birer paıdasy sheteldik ozyq kompanııalarmen birlesip jumys isteý múmkindigi men olardyń zamanaýı noý-haýlaryn ózimizge tartý. Sonymen qatar osy shara arqyly munaı jáne gaz salasyndaǵy otandyq kompanııalarǵa úlken múmkindik berilip, olar halyqaralyq iri kompanııalarmen baılanys ornatyp, ózara tájirıe almasa alady. Jáne aldaǵy ýaqytta halyqaralyq kórmege qatysýshy kompanııalardyń sany kóbeıip, aıasy keńeıe túsedi dep oılaımyn», - dedi QR Energetıka mınıstri Maǵzum Myrzaǵalıev kórmeniń ashylý saltanatynda.

Sondaı-aq, mınıstr kórmeni aralap, oǵan qoıylǵan ónimdermen tanysyp ótti.

Odan bólek, osymen 27-shi ret ótip otyrǵan halyqaralyq kórme aıasynda dóńgelek ústelder men semınarlar uıymdastyrylady dep kútilýde.

Aıta keteıik, elordadaǵy KIOGE kórmesi eki kúnge sozylady.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT