+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Elordada «Halyq súıiktisi» syılyǵy tapsyryldy

2020 jylǵy 18 qańtar 17:08
Bólisińiz:
Elordada «Halyq súıiktisi» syılyǵy tapsyryldy

NUR-SULTAN. QazAqparat - Elordada «Halyq súıiktisi» syılyǵyn tapsyrý saltanatty sharasy ótti, dep habarlaıdy QazAqparat tilshisi.

«Árbir qazaqstandyq halyqtyń súıiktisi bolýǵa tyrysady. Qolynan kelgenshe soǵan qyzmet jasaıdy. Búgingi baıqaýdyń soǵan arnalǵany biz úshin óte qýanyshty. Qazaq eline qyzmet istep, qazaqstandyqtardyń abyroıyn basqa elderde kóterip júrgen azamattar kóp. Degenmen, qazaq aıtpaqshy, «Júzden júırik, myńnan tulpar« bolǵandardy 9 jyldan beri anyqtap kele jatqan «Halyq súıiktisi« syılyǵynyń orny erekshe», - dedi saltanatty shara barysynda jyldyń sport pen mádenıet salasyndaǵy úzdikterin marapattaýǵa shyqqan QR Premer-Mınıstriniń orynbasary Berdibek Saparbaev.

Sonymen vıtse-premer «Jyldyń úzdik sportshysy» atalymymen dıýzdoshy Eldos Smetovti, «Jyldyń úzdik sportshy qyzy» atalymymen mánerlep syrǵanaýshy Elızavet Tursynbaevany, «Altyn dáýir» arnaıy júldesimen Muhamedjan Tólegenov pen Anatolıı Qulnazarovty, «Jyldyń úzdik mádenıet qaıratkeri» atalymymen ánshi Dımash Qudaıbergendi marapattady.

«Otandyq dıplomatııany damytýǵa qosqany úshin» qurmetti syılyǵy Qazaqstannyń Ulybrıtanııadaǵy Elshisi Erlan Ydyrysovqa, «Jyl qalaýy» qurmetti syılyǵy Dınara Zakıevaǵa, «Jyldyń úzdik ınternet portaly» syılyǵy Informbıýroǵa, «Blogosfera kóshbasshysy» syılyǵy Samat Nurtazaǵa, «Jyl jobasy» arnaıy syılyǵy QR Ulttyq mýzeıi ujymyna berildi.

Al «Jyldyń úzdik muǵalimi» Nur-Sultan qalasyndaǵy ekonomıkalyq lıtseıdiń muǵalimi Erbol Árenov pen Batys Qazaqstan memlekettik ýnıversıtetiniń prorektory Túımesh Dárisheva, «Jyldyń úzdik dárigeri» QR PІB №1 MOAhırýrgııa bólimshesiniń meńgerýshisi, medıtsına ǵylymdarynyń doktory, professor Talapbek Ájenov atansa, «Jyldyń úzdik parlamentarııi» Májilis depýtaty Nurjan Áltaev boldy. «Jyldyń áleýmettik jobasy» qurmetti syılyǵy Shattyq Súıinishovaǵa, «Jyl áskerı adamy» qurmetti syılyǵy sýǵa batqan 2 jasar balany qutqaryp qalǵan áskerı qyzmetshi Álisher Tabyldıevke, «TMD keńistigindegi mádenıetaralyq dıalog úshin» qurmetti syılyǵy reseılik sýretshi Nıkas Safronovqa berildi.

«Jyldyń úzdik fermeri» qurmetti syılyǵy Altynbek Saparov pen Erkin Boqanovqa, «Jyldyń áleýmettik bıznesi» qurmetti syılyǵy «Úmit-NT» JShS basshysy Maıra Jarovaǵa, «Tabys pen damý» qurmetti syılyǵy Nur-Sultan qalasynyń paraolımpıadalyq jattyǵý ortalyǵynyń ujymyna, «Batyl júrek» qurmetti syılyǵy poıyzda jas kelinshekti bosandyryp alǵan Merýert Qorabaevaǵa, «Jyldyń úzdik ınvestıtsııalyq jobasy» qurmetti syılyǵy«Saryarqa Avtoónerkásip» kásipornyna tabystalsa, «Jyldyń úzdik kásipkeri» syılyǵy «Gormolzavod» JShS-niń bas dırektor Asen Jaqsylyqovqa buıyrdy.

«Jyldyń úzdik qoǵam qaıratkeri» syılyǵymen Shasalım Shaǵalıev, «Jyldyń úzdik pýblıtsısti» syılyǵymen kósemsózshi Baqytqoja Rústemov, «Jyldyń úzdik marketıngtik jobasy» qurmetti syılyǵymen Naǵı Baqytbekov, «Jyldyń úzdik trevkl blogeri» syılyǵymen bıznesmen Mıras Shekenov, «Jyldyń úzdik vaıneri» syılyǵymen Serǵazy Toqtarbek marapattaldy.


Al «Jyldyń úzdik telejúrgizýshisi» syılyǵy KTK telearnasynyń jýrnalısi Gúlmıra Ábiqaıǵa berildi.


Bizdiń kanalymyzǵa jazylyńyz:

Basty sózder: QR Úkimeti, Qoǵam,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT