+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Elordada Farıadı Mohammad Masýdtyń «Aýǵan óneriniń syıy» atty kórmesi ashyldy

2021 jylǵy 5 sáýir 13:32
Bólisińiz:
Elordada Farıadı Mohammad Masýdtyń «Aýǵan óneriniń syıy» atty kórmesi ashyldy

NUR-SULTAN. QazAqparat - Qazaqstan Respýblıkasynyń Tuńǵysh Prezıdenti - Elbasynyń kitaphanasynda Aýǵanstan sýretshisi Farıadı Mohammad Masýdtyń «Aýǵan óneriniń syıy» atty kórmesi ashyldy.

Uqsas jańalyqtar
Qaraǵandylyq jastar Eskendir Hasanǵalıevti eske alý chellendjin uıymdastyrmaq 125 jyl buryn ulttyq teatrdyń negizin qalaýshy Serke Qojamqulov dúnıege keldi «Qazaqkontsert» ártisteri «Eskendir aǵa týraly» atty arnaıy shyǵarylym usynady

Kórmeni «Mádenıet arqyly únqatysý» halyqaralyq jobasy aıasynda Elbasy kitaphanasy men Aýǵanstan Islam Respýblıkasynyń elshiligi birlesip uıymdastyrdy.


«Kórmede usynylǵan biregeı kallıgrammalardyń betine san alýan óleń grafıkamen berilgen. Bul jumystar – Farıadı Mohammad Masýdtyń kóptegen jyldar boıy jınaǵan eńbegi. Shyǵystaǵy musylman mádenıetinen kallıgrafııa óneriniń alatyn orny erekshe. Sol sebepti kórmeniń Qasıetti Ramazan aıy qarsańynda ótýi de aıryqsha mánge ıe. Tusaýy vırtýal formatta kesilgen kórmeniń materıaldaryn Elbasy kitaphanasynyń resmı saıty men áleýmettik jelilerdegi paraqshalarynda tamashalaýǵa bolady. Aýǵan mádenıeti álemimen tanysýda kórermenderdiń jaqsy áser alatynyna senimimiz mol», - dedi is-sharany ashqan Elbasy kitaphanasynyń dırektory Baqytjan Temirbolat.


Nur-Sultan qalasyndaǵy Aýǵanystan Islam Respýblıkasy elshiliginiń ýaqytsha senimdi ókili Azızýlla Omar qos memleket arasyndaǵy yntymaqtastyqty ornatýda «mádenıet dıplomatııasynyń» mańyzdylyǵyn atap ótti:


«Nur-Sultan qalasynda alǵashqy mádenı sharamyzdy ótkizý biz úshin úlken abyroı. Іs-sharany uıymdastyrýda qoldaý tanytqan arab elderiniń elshilikterine, Elbasy kitaphanasyna alǵysymyz mol. Memleketterdiń syrtqy saıasaty úshin de, mádenıet salasy úshin de «mádenıet dıplomatııasy» asa mańyzdy. Sebebi ıdeıa, aqparat, qundylyq, júıe, dástúr, senim sııaqty mádenıet quraldarymen almasýda ózara túsinistik kúsheıedi», - dedi A.Omar.


Aýǵan kallıgrammasy – beıne men mazmundy biriktiretin ónerdiń bir baǵyty. Sýretshiniń basty mindeti – rýhanı álemdi beıneler áleminiń kómegimen sýrettep, qos álem arasyndaǵy baılanysty týyndy betine túsirýde. Týyndylardyń tereń sımvolıkasy men mazmuny kallıgramma avtorynyń ıdeıasyn sezinýge múmkindik beredi.

Farıadı Mohammad Masýd 1973 jyly Aýǵanstan astanasy Kabýlda dúnıege kelgen. Kallıgrafııa ónerine ol kásibı jáne shyǵarmashylyq ómirin tolyqtaı arnaǵan. Avtordyń jumystary Aýǵanstandaǵy, Irandaǵy, sondaı-aq Katar men Kýveıt ámirlerindegi kórmelerde kórsetilgen. Búginde ol arab elderiniń prezıdentteri men basshylary marapattarynyń ıegeri.


«Bizben baýyrlas Qazaqstan Respýblıkasynyń kallıgrafııa ónerin joǵary baǵalap, onyń máni men qasıetine qyzyǵatyn memleket ekeni anyq. Islam dini men qasıetti Qurannan tamyr jaıǵan kallıgrafııa óneri jádigerlerin sizderge tabystaý múmkindiginiń buıyrǵany keýdemdi maqtanysh sezimine bóleıdi. Nazarlaryńyzǵa usynylǵan altyn jalatylǵan kallıgrafııalyq úsh kitapqa Qurannyń 54 aıaty kirgen», - deıdi avtor.


«Aýǵan óneriniń syıy» kórmesi – Elbasy kitaphanasy men Qazaqstan Respýblıkasyndaǵy Aýǵanstan Islam Respýblıkasy elshiligi arasyndaǵy yntymaqtastyqtyń alǵashqy is-sharasy. Uıymdastyrýshylar kórmeniń beıneleý ónerin súıýshi qaýym men musylman mádenıetine qyzyǵatyn azamattardyń kóńilinen shyǵatynyna senimdi. «Aýǵan óneriniń syıy» kórmesi 2021jyldyń 16 sáýirine deıin jalǵasady. Epıdemıologııalyq ahýalǵa sáıkes, Farıadı Mohammad Masýdtyń jumystaryn Elbasy kitaphanasynyń resmı saıtynda (www.presidentlibrary.kz), áleýmettik jelilerdegi paraqshasynda tamashalaýǵa bolady.




Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT