Elordada esirtki aınalymyna qatysty 17 qylmystyq is sotqa jiberildi
2022 jylǵy 13 mamyr 19:30

Elordada esirtki aınalymyna qatysty 17 qylmystyq is sotqa jiberildi

NUR-SULTAN. QazAqparat – Nur-Sultan qalasynda sıntetıkalyq esirtki aınalymymen kúres túıtkildi máselelerdiń biri bolyp otyr. Bul týraly qalalyq polıtsııa departamenti esirtki qylmysyna qarsy is-qımyl basqarmasynyń basshysy Erlan Aqbarov málim etti, dep habarlaıdy QazAqparat tilshisi.

«Esirtkimen kúres máselesi únemi nazarda. Ásirese sıntetıkalyq esirtki aınalymynyń jolyn kesý kún tártibinde. Jyl basynan beri qala boıynsha 3 esirtki jasaý zerthanasy anyqtalyp, jabyldy. Olardan 17 keli sıntetıkalyq esirtki tárkilendi. Ótken jyly 3 keli sıntetıkalyq esirtki tárkilengen edi», - dedi Erlan Aqbarov elorda máslıhatynyń otyrysynda.

Onyń aıtýynsha, bıyl esirtki aınalymy men saýdasyna qatysty 269 zańbuzýshylyq anyqtaldy. Al 2021 jyly 322 fakt tirkelgen.

«Búginde zańsyz aınalymnan jalpy kólemi 94 keli túrli narkotıkalyq zattar tárki etildi. Jalpy esirtki aınalymyna qatysty 17 qylmystyq is sotqa jiberildi. Ótken jyly esirtkimen kúres máselesine qatysty astanalyq sot 28 faktini qarady», - deıdi ol.

Aıta keteıik, búginde Nur-Sultan qalasynda 1 myńnan astam patsıent esirtkige táýeldilikten emdelip jatyr.

Sondaı-aq, elorda dárihanalarynda esirtki tektes 1 myńnan astam dári-dármektiń satylatyny aıtyldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT