+7 (701) 759 90 19
USD 377.86 EUR 418.74
RUB 6.10 CNY 54.50
Jańalyqtar

Elordada «Eńbek joly» baıqaýynyń jeńimpazdary marapattaldy

2019 jylǵy 4 jeltoqsan 18:25
Bólisińiz:
Elordada «Eńbek joly» baıqaýynyń jeńimpazdary marapattaldy

NUR-SULTAN. QazAqparat – Elordada áýletter men óndiris jumyskerleri arasynda jyl saıyn ótetin respýblıkalyq «Eńbek joly» baıqaýynyń jeńimpazdaryn saltanatty túrde marapattaý rásimi ótti, dep habarlaıdy QazAqparat tilshisi.

Uqsas jańalyqtar
Aqmola oblysynda 16,7 myń jumys orny ashyldy Qazaqstanda 9 myń jańa jumys orny ashyldy Mańǵystaýdaǵy aýylda saýda ortalyǵy ashylyp, 500 adam jumyspen qamtylady

Táýelsizdik saraıynda ótken sharaǵa QR Premer-Mınıstriniń orynbasary Berdibek Saparbaev, QR Eńbek jáne halyqty áleýmettik qorǵaý mınıstri Birjan Nurymbetov, QR Parlamentiniń depýtattary, «Atameken» UKP-nyń, jumyskerler men jumys berýshiler respýblıkalyq birlestikteriniń, jergilikti atqarýshy organdardyń ókilderimen qosa eńbek ardagerleri jáne konkýrstyń óńirlik kezeńiniń laýreattary qatysty. Shara basynda Berdibek Saparbaev metsenattar men kásipkerlerge «Shapaǵat» medalin, QR Prezıdenti men Premer-Mınıstriniń atynan alǵys hattardy tabys etse, QR Parlamenti Májilisi Áleýmettik-mádenı damý komıtetiniń tóraıymy Gúlshara Ábdihalyqova ardagerlerge «Eńbek ardageri» medalin tabys etti.

«Adamdy adam etken eńbek. Sondyqtan, biz myna otyrǵan eńbekkerlerge basymyzdy ıemiz, zor alǵysymyzdy aıtamyz. Memleketimizdiń Tuńǵysh Prezıdenti Nursultan Nazarbaev aıtqandaı, qazaqstandyqtardyń ómiriniń jaqsarýy, jaǵdaılarynyń túzelýi – eńbekke baılanysty. Sol sebepti, memleket tıisti jaǵdaı jasaıdy. «Eńbek» baǵdarlamasynyń eń negizgi mindeti de – qazaqstandyqtardyń eńbek etip, otbasyn asyraýǵa, Qazaqstannyń ekonomıkasyn jaqsartýǵa jaǵdaı jasaý», - dedi shara barysynda Berdibek Saparbaev.

QR Eńbek jáne halyqty áleýmettik qorǵaý mınıstrligi atalmysh sharany jumysshylardy keńinen tanymal etý maqsatynda ótkizip keledi. Baıqaý «Úzdik eńbek áýleti», «Jumys isteıtin jastardyń úzdik tálimgeri» jáne «Óndiristiń úzdik jas jumyskeri» atty úsh nomınatsııadan turady. Úmitkerlerden ótinim qabyldaý bıyl 1 maýsymda bastalǵan. Konkýrstyń óńirlik kezeńinde birinshi nomınatsııa boıynsha – 90, ekinshi nomınatsııa boıynsha 144 jáne úshinshi nomınatsııa boıynsha – 154, barlyǵy 388 adam baq synady.

Konkýrstyń respýblıkalyq kezeńinde mınıstrilk saıtynda ótkizilgen onlaın daýys berý barysynda «Úzdik eńbek áýleti» nomınatsııasy boıynsha 23 351, «Jumys isteıtin jastardyń úzdik tálimgeri» nomınatsııasy boıynsha 90 156 jáne «Óndiristiń úzdik jas jumyskeri» nomınatsııasy boıynsha 65 822, barlyǵy 179 329 daýys túsken.

Otandastarymyzdy kásibı jetistikterge yntalandyrý jáne jańa eńbek dınastııalaryn qalyptastyrý maqsatynda bıyl mınıstrlik syılyqtardyń sanyn kóbeıtý týraly sheshim qabyldady. Eger ótken jyldary syılyqtar tek nomınatsııalar boıynsha berilgen bolsa, bıyldan bastap jeńimpazdar – 1, 2 jáne 3 oryn úshin marapattalatyn boldy.

«Úzdik eńbek áýleti» nomınatsııasynda Elordalyq Eńsebaevtar áýleti birinshi orynǵa, Shyǵys Qazaqstan oblysynan kelgen Saǵadıevter áýleti ekinshi orynǵa, al atyraýlyq Jumaǵalıevterdiń ustazdar áýleti úshinshi orynǵa ıe boldy. «Jumys isteıtin jastardyń úzdik tálimgeri» nomınatsııasy boıynsha Aqmola oblysynyń TBB (tehnıkalyq baqylaý bóliminiń) baqylaýshysy Maıra Isaeva jeńiske jetse, Shymkent qalasynyń tsement óndirý jónindegi ınjener-tehnology Eskendir Rústemov ekinshi oryn aldy. Qaraǵandy oblysynyń aýa bólý qondyrǵylarynyń apparatshysy Dáýlet Ejıbaev úshinshi oryndy qanaǵat tutty.

«Úzdik jas óndiris jumyskeri» nomınatsııasynda Soltústik Qazaqstan oblysynan kelgen jalpy praktıka dárigeri ıÝlııa Shevchenko úzdik atansa, Qostanaı oblysynyń logıstıka jáne qoıma saqtaý sheberi Vladımır Samodýrov ekinshi orynǵa turaqtady. Al Pavlodar oblysynan kelgen tehnologııalyq nasos mashınısti Asqar Nurǵalıevqa úshinshi oryn buıyrdy.

Baıqaý jeńimpazdary 1 oryn úshin – 1 mln teńge, 2 oryn úshin – 500 myń teńge jáne 3 oryn úshin – 200 myń teńge kóleminde aqshalaı sertıfıkattarmen marapattaldy.

Sonymen qatar, «Kórermender kózaıymy» syılyǵynyń jeńimpazdary da anyqtaldy. Osylaısha, «Úzdik eńbek áýleti» nomınatsııasynda Aqtóbe oblysynan kelgen Іzbasovtardyń metallýrgter áýleti jeńiske jetip, «Jumys isteıtin jastardyń úzdik tálimgeri» nomınatsııasy – Batys Qazaqstandyq ustaz Baıan Kabıevaǵa buıyrdy. Al «Óndiristiń úzdik jas jumyskeri» nomınatsııasynda Jambyl oblysynyń elektrık-ınjeneri Qýanysh Shynybekov top jardy. Atalǵandardyń barlyǵy baǵaly syılyqtarmen marapattaldy.

«Eńbek joly» baıqaýynyń jeńimpazdaryn quttyqtaı otyryp, Birjan Nurymbetov memlekettiń jańǵyrýy men qoǵamnyń damýyndaǵy eńbek adamdarynyń mańyzdy rólin atap ótti.

«Bul qýanyshty kúni ózderiniń kúndelikti eńbegimen qazirgi Qazaqstannyń táýelsizdigi men qalyptasýynyń kýágerleri bolyp qana qoımaı, negizin qalaǵan eńbek ardagerleri men eńbek áýletteriniń baǵa jetpes úlesin atap ótkim keledi. Sizder shynaıy tálimgerlik ınstıtýtynyń rýhyn kóterip júrsizder jáne jastarǵa ózderińizdiń kásibı jáne adamgershilik tájirıbelerńizdi jetkizip, olardyń eńbekke, jumys mamandyqtaryna degen súıispenshiligin arttyrasyzdar», - dedi ol.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT