+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Elordada dári-dármek baǵasyn negizsiz kótergendermen kúres kúsheıedi

2020 jylǵy 9 shilde 22:51
Bólisińiz:
Elordada dári-dármek baǵasyn negizsiz kótergendermen kúres kúsheıedi

NUR-SULTAN. QazAqparat - «Astana - adaldyq alańy» eki kún ishinde 15 dárihanaǵa tekserý júrgizip, zań buzýshylyqtar anyqtady, dep habarlaıdy QazAqparat qala ákimdigine silteme jasap.

Uqsas jańalyqtar
Koronavırýstyń kúzdegi jańa tolqyny: Daıyndyq qandaı Aýrýhanalardaǵy oryn 60 paıyzǵa bosady – Densaýlyq mınıstrligi Koronavırýs: 70 naýqas ókpeni jasandy jeldetý apparatyna qosyldy

«Astana – adaldyq alańy» jobalyq keńsesi sybaılas jemqorlyqqa qarsy is-qımyl departamenti janyndaǵy arnaıy monıtorıng tobymen birlesip, elordalyq dárihanalarǵa tekserý júrgizýdi jalǵastyrýda. Beısenbi kúni reıd IKOMEK 109 baılanys ortalyǵyna túsken meken-jaı boıynsha ótti.

Atap aıtsaq, «Murat-Farm 35» dárihanasynda qala turǵynyna 90 mg «Ingaverınany» 7 myń teńgege satqan. Bul dári-dármektiń dari.kz resmı saıtynda quny 5 940 teńge mólsherinde kórsetilgen.

Jeńis dańǵylyndaǵy 26a-úıdegi dárihanada qala turǵyny 16 310 teńgege 30 mg «Daıvobet» jaqpa maıyn satyp alǵan, biraq belgilengen baǵa 9 435 teńge. Dárihana satyp alýshyǵa artyq tólegen aqshasyn qaıtardy.

«Bul jerde dárilik preparattyń baǵasy 6 myń teńgege ósken. Qazir biz taýarlar men qyzmetterdiń sapasy men qaýipsizdigin baqylaý departamentine osy mekemeni baqylaýǵa alýdy jáne olar satatyn barlyq taýarlardy tolyq tekserýdi tapsyrdyq», - deıdi «Astana – adaldyq alańy» jobalyq keńsesiniń úılestirýshisi Sáýle Bısembaeva.

Monıtorıng nátıjeleri naqty shara qabyldaý úshin jaýapty organdarǵa jiberiletin bolady.

«Dárihanalardy tekserý boıynsha reıdter jalǵasýda. Sonymen qatar barlyq azamattardan dári-dármektiń baǵasy qymbattaǵany anyqtalsa, +7 775 160 55 32 WhatsApp nómirine habarlama jiberýlerin suraımyn. Qazirgi ýaqytta medıtsınalyq dári-dármekterdiń baǵasyn negizsiz kóterý - quqyq buzýshylyq bolyp sanalady», - dep atap ótti «Astana-adaldyq alańy» jobasynyń jetekshisi Mıras Shekenov.

Dárihana basshylaryna baǵany kóterýdiń aldyn alý boıynsha usynystar berildi. Dári-dármektiń baǵasyna kúmán týdyrǵan jaǵdaıda, dari.kz qosymshasy men ndda.kz resmı saıty arqyly, QR Densaýlyq saqtaý mınıstriniń buıryǵymen bekitilgen silteme boıynsha tekserýge bolady.
Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT