+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Elordada byltyr otyrǵyzylǵan alma aǵashtary jemis bere bastady

2020 jylǵy 8 shilde 21:48
Bólisińiz:
Elordada byltyr otyrǵyzylǵan alma aǵashtary jemis bere bastady

NUR-SULTAN. QazAqparat - Botanıkalyq baqta ótken jyly Qazaqstan halqynyń birligi kúni otyrǵyzylǵan alma aǵashtary tamyr jaıdy, dep habarlaıdy QazAqparat qala ákimdigine silteme jasap.

Eske salaıyq, atyraýlyq fermer Tamıla Rozmetova Jastar jylynyń ashylý saltanatynda elordada alma baǵyn otyrǵyzýdy usyndy. Kóp uzamaı, Elbasy tapsyrmasy boıynsha qala ákimdigi Botanıkalyq baqqa alma kóshetterin otyrǵyzý úshin jer telimin anyqtady.

«Alma aǵashtary shynymen de sýyqqa tózimdi bolyp shyqty. Olar qystan aman shyǵyp, jaqsy gúldedi! Aǵashtar sátti beıimdelip, jersinýi úshin tıisti kútim, ýaqytyly sýarý jáne qardan qorǵaýdy qajet etti. Osyndaı kútim jaǵdaıynda aǵashtar ósip, aldaǵy jyldary jemisti alma baǵyna aınalady dep senemiz», - deıdi elordalyq Botanıkalyq baq mamandary.

Jastar saıasaty basqarmasynyń bólim basshysy Baqytjan Júnisbekov ótken jyly alma aǵashtaryn otyrǵyzýǵa qatysqandardyń biri.

«Keshe otbasymmen serýendep kelip, arnaıy alma aǵashtaryn aralap, jemis bergenin kórip boıymdy erekshe bir qýanysh bıledi. Elimizdiń jastary da kóp kúttirmeı osy aǵashtar sııaqty jemis berip, el múddesin bárinen bıik qoıyp, memleketimizdi tek alǵa jetelesin dep tilek tiledim», – deıdi B.Júnisbekov.

Qazirgi ýaqytta Botanıkalyq baqta alma aǵashtarynyń segiz túri ósedi: belarýs sınaby, tańqýraı, alezııa, ımant, frıdom, nadzeıny, sakavıta jáne Qazaqstan astanasy qurmetine atalǵan almanyń jańa sorty - Nur-Sultan.

Olardyń barlyǵy aıazǵa tózimdi, ónimdiligi joǵary jáne jemisteri uzaq saqtalady. Botanıkalyq baqta bıiktigi 1,2-1,5 metr bolatyn barlyǵy 800 alma aǵashy otyrǵyzyldy. Aǵashtarǵa kútim jasaý úshin zamanaýı tamshylatyp sýarý júıeleri qoldanylady. Jalpy, bıyl elordany kógaldandyrý aıasynda 30 myń aǵash jáne 6 mln-ǵa jýyq gúl otyrǵyzylady.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT